"G`arbdagi "xo`jayinlar" eshitishini istayman"

Dunyo 30.09.2022, 20:21
"G`arbdagi "xo`jayinlar" eshitishini istayman"

Sal avval Putin Ukrainani zudlik bilan harbiy harakatlarni to`xtatib, muzokara stoliga qaytishga chaqirgani haqida xabar bergan edik.

U, shuningdek, so`nggi vaqtlarda uzoq muhokamalarga sabab bo`lgan mish-mishlarga qarata o`z fikrini bildirdi. 

"Sovet Ittifoqi endi yo`q, o`tmishni qaytarib bo`lmaydi va zamonaviy Rossiyaga bu kerak emas, biz bunga intilmayapmiz" — degandi u nutqida.

Ukraina bilan bo`lib o`tgan muzokaralar davomida 4 hudud - Donesk, Lugansk, Xerson va Zaporoje Rossiya Federasiyasiga qo`shildi. Muzokara davomida bu bo`yicha hujjat imzolandi.

Bu borada Rossiya rahbari quyidagicha so`z yuritdi.

"Donbass, Zaporoje va Xerson aholisi o`z so`zlarini aytishdi. Men buni bugun Kiev va ularning G`arbdagi "xo`jayinlar" eshitishini istayman. To`rt viloyat aholisi abadiy bizning fuqarolarimiz bo`lib qoladi", — dedi Vladimir Putin tantanali tadbirda. 

Ma`lumot uchun, ozod qilingan hududlarda 23-27 sentyabr kunlari ularning Rossiya tarkibiga qo`shilishi bo`yicha referendumlar o`tkazilgandi. 

Bu bo`yicha DXRda 99,23 foiz, LXRda 98,42 foiz, Zaporojeda 93,11 foiz, Xerson viloyatida esa 87,05 foiz ovoz to`plangan. 

Ma`lum qilinishicha, chet ellik kuzatuvchilar referendumning qonuniyligini tasdiqladilar. Zaporij`e viloyati davlat ma`muriyati bosh kengashi a`zosi Vladimir Rogovning aytishicha, mintaqa Ukraina harbiylaridan to`liq ozod qilinganidan keyin yana bir ovoz berish jarayoni o`tkaziladi.

Sharhlar