"Ғарбдаги "хўжайинлар" эшитишини истайман"

ДУНЁ 30.09.2022, 20:21
"Ғарбдаги "хўжайинлар" эшитишини истайман"

Сал аввал Путин Украинани зудлик билан ҳарбий ҳаракатларни тўхтатиб, музокара столига қайтишга чақиргани ҳақида хабар берган эдик.

У, шунингдек, сўнгги вақтларда узоқ муҳокамаларга сабаб бўлган миш-мишларга қарата ўз фикрини билдирди. 

"Совет Иттифоқи энди йўқ, ўтмишни қайтариб бўлмайди ва замонавий Россияга бу керак эмас, биз бунга интилмаяпмиз" — деганди у нутқида.

Украина билан бўлиб ўтган музокаралар давомида 4 ҳудуд - Донецк, Луганск, Херсон ва Запорожье Россия Федерациясига қўшилди. Музокара давомида бу бўйича ҳужжат имзоланди.

Бу борада Россия раҳбари қуйидагича сўз юритди.

"Донбасс, Запорожье ва Херсон аҳолиси ўз сўзларини айтишди. Мен буни бугун Киев ва уларнинг Ғарбдаги "хўжайинлар" эшитишини истайман. Тўрт вилоят аҳолиси абадий бизнинг фуқароларимиз бўлиб қолади", — деди Владимир Путин тантанали тадбирда. 

Маълумот учун, озод қилинган ҳудудларда 23-27 сентябрь кунлари уларнинг Россия таркибига қўшилиши бўйича референдумлар ўтказилганди. 

Бу бўйича ДХРда 99,23 фоиз, ЛХРда 98,42 фоиз, Запорожьеда 93,11 фоиз, Херсон вилоятида эса 87,05 фоиз овоз тўпланган. 

Маълум қилинишича, чет эллик кузатувчилар референдумнинг қонунийлигини тасдиқладилар. Запорижъе вилояти давлат маъмурияти бош кенгаши аъзоси Владимир Роговнинг айтишича, минтақа Украина ҳарбийларидан тўлиқ озод қилинганидан кейин яна бир овоз бериш жараёни ўтказилади.

Шарҳлар

Об-ҳаво: Тошкент
+-1.03° tumanli
Валюта курси
11228.08
USD 24.95
11723.24
EUR 119.04
183.66
RUB -0.25
1