“Na senga, na menga...” Jizzaxda aka ukasiga berilgan otxonani yoqib yubordi

Jamiyat 29.11.2022, 20:34
“Na senga, na menga...” Jizzaxda aka ukasiga berilgan otxonani yoqib yubordi

Jizzaxlik fuqaro otasiga achchiq qilib, jahl ustida xatoga yo`l qo`ydi. Bu hada Jizzax viloyati IIB matbuot xizmati xabar qildi. 

Ma`lum qilinishicha, Jizzax viloyati Sharof Rashidov tumani Qangli mahalla fuqarolar yig`ini istiqomat qiluvchi S.A tumanning Nurafshon mahallasida yashovchi otasi A.J.ning qaroridan xafa bo`ldi. Chunki otasi Yoyilma mahallasi hududidagi otxonasi hamda u erdagi mol-mulklarini ukasi A.S.ga bergandi.

Shundan so`ng, mol-mulk noto`g`ri taqsimlandi, deb hisoblagan S.A. “na senga, na menga” qabilida ish tutib ,otxonaga benzin sepib, yoqib yuborgan. Oqibatda qiymati 102 million so`mlik 17 bosh toy hamda bozor narxi 145 million 700 ming so`mlik beda g`arami hamda otxonaning tom qismi yonib ketdi. Holat yuzasidan jinoyat ishi qo`zg`atilgan.

Sharhlar