Sal avval Namangan viloyati Kosonsoy tumanidagi xonadonlarning birida gazdan portlash sodir bo`lgani xabar berilgan edi. Holat yuzasidan Bosh prokuratura matbuot xizmati ma`lumot taqdim etdi.
Ma`lum qilinishicha, portlash oqibatida 5 nafar shaxs turli tan jarohati olgan.
Ko`rsatilgan tez-tibbiy muolajalarga qaramasdan 1 nafari shifoxonada vafot etgan.
Mazkur holat yuzasidan Kosonsoy tuman prokuraturasi tomonidan Jinoyat kodeksining 258-moddasi 2-qismi “a” bandi (Tog`-kon, qurilish yoki portlatish ishlari xavfsizligi qoidalarini buzish) bilan jinoyat ishi qo`zg`atildi.
Tergov harakatlari olib borilmoqda.
