Сал аввал Наманган вилояти Косонсой туманидаги хонадонларнинг бирида газдан портлаш содир бўлгани хабар берилган эди. Ҳолат юзасидан Бош прокуратура матбуот хизмати маълумот тақдим этди.
Маълум қилинишича, портлаш оқибатида 5 нафар шахс турли тан жароҳати олган.
Кўрсатилган тез-тиббий муолажаларга қарамасдан 1 нафари шифохонада вафот этган.
Мазкур ҳолат юзасидан Косонсой туман прокуратураси томонидан Жиноят кодексининг 258-моддаси 2-қисми “а” банди (Тоғ-кон, қурилиш ёки портлатиш ишлари хавфсизлиги қоидаларини бузиш) билан жиноят иши қўзғатилди.
Тергов ҳаракатлари олиб борилмоқда.
