Бугун, 7 февраль куни соат 07:30 ларда Наманган вилояти Косонсой тумани “Нуробод” МФЙ Навбаҳор кўчаси рақамсиз яшаш уйида, газ-ҳаво аралашмасининг чақнаши содир бўлган. Бу ҳақда вилоят ФВБ хабар бермоқда.
Маълум қилинишича, чақнаш оқибатида 4 нафар фуқаро тан жароҳатини олиб, туман тиббиёт бирлашмасига ётқизилган.
Айни вақтда чақнаш оқибатлари бартараф этилмоқда.
Воқеа жойига ФВБ, ИИБ, ССБ, прокуратура ҳамда “Ҳудудгазтаъминоти” ҳодимлари чиқишган.
