Bugungi kunda davlat tomonidan kafolatlangan ijtimoiy himoya dasturlari 170 dan ortiq xizmatlar va yordamlarni qamrab olgan bo`lib, ushbu xizmatlar 6 ta vazirlik tomonidan bir-biridan tarqoq tarzda faoliyat olib bormoqda.
Aholiga kompleks yondashuv asosida professional ijtimoiy xizmatlar ko`rsatish tizimini joriy qilish maqsadida Ijtimoiy himoya milliy agentligi tashkil etildi.
Agentlikning asosiy vazifalaridan biri og`ir ijtimoiy holatga tushgan va tushish xavfi bo`lgan aholi bilan manzilli ishlashni tashkil qilishdan iborat bo`lib, aholining 31 ta toifasiga individual yondashuvga muvofiq ijtimoiy xizmatlarni mahalla darajasida tashkil etadi.
Xususan:
- keksa yoshdagi shaxslar va qariyalar;
- o`zgalar parvarishiga muhtoj bo`lgan shaxslar;
- nogironligi bo`lgan shaxslar;
- kam ta`minlangan oilalar;
- zo`ravonlikka uchragan shaxslar;
- nogiron farzandlari bo`lgan oilalarga va ota-onasining biri nogiron bo`lgan bolalar;
- vasiylikka olingan oilalar;
- etim va chin etim bolalar;
- alohida ta`lim-tarbiyaga muhtoj shaxslar ijtimoiy yordam va xizmatlar bilan qamrab olinadi.
Agentlik tomonidan aholiga quyidagi asosiy ijtimoiy xizmatlar va yordamlar ko`rsatiladi:
- kam ta`minlangan oilalarga hamda mehantga layoqatsiz aholiga nafaqalar va moddiy yordamlar berish;
- keksalar va nogironligi bo`lgan shaxslar hamda mehnat faxriylari uchun sanatoriylar hamda pansionatlarda ijtimoiy xizmatlarni tashkil etish;
- aholini protez-ortopediya mahsulotlari va reabilitasiya texnik vositalari bilan ta`minlash;
- nogironligi bo`lgan shaxslarni imtiyozli hamda bepul stasionar davolanishini ta`minlash;
- nogironligi bo`lgan shaxslarning yakka tartibdagi reabilitasiya dasturlarini ishlab chiqish;
- og`ir ijtimoiy oilalar bilan ishlash;
- ruhiy-ijtimoiy xizmatlarni ko`rsatish;
- tazyiq va voyaga etmagan bolalarga ijtimoiy-huquqiy yordam ko`rsatish;
- etim va chin etimlar bilan manzilli ishlash;
- extiyojmand aholi qatlamiga tibbiy, psixologik va boshqa xizmatlarini ko`rsatish.
⚡️Agentlik tarkibiga quyidagi tashkilotlar bosqichma-bosqich o`tkaziladi.
Jumladan:
2023 yil 15 iyundan boshlab:
- Tibbiy-ijtimoiy ekspertiza inspeksiyasi va uning hududiy bo`linmalari;
- Nogironligi bo`lgan shaxslarni reabilitasiya qilish va protezlash milliy markazi hamda uning hududiy markazlari;
- Ayollarni reabilitasiya qilish va moslashtirish markazlari hamda uning hududiy bo`limlari;
- Odam savdosi jabrdiydalariga yordam berish bo`yicha respublika reabilitasiya markazi;
- nogironligi bo`lgan shaxslar va keksalar uchun “Muruvvat” va “Saxovat” internat-uylari;
- Urush va mehnat faxriylari uchun respublika pansionati;
- keksalar, nogironligi bo`lgan shaxslar, urush va mehnat faxriylari uchun sanatoriylar;