Navoiy viloyati hokimi Normat Tursunov boshchiligidagi delegasiyasi Rossiya Federasiyasida xizmat safarida bo`ldi. Safar uchrashuvlarga boy va muzokalar qizg`in bo`ldi. Xususan, “1520” kompaniyasi guruhlari bosh direktori o`rinbosari Dmitriy Bolotskiy, “Profayn” kompaniyasi bosh direktori Elena Ermakova, “Russkiy Lyon” kompaniyasi ijrochi direktori Valeriy Misharin, “Prirodny kamen” kompaniyasi ta`sischisi Pyotr Zasedatelevlar bilan uchrashuvlar tashkil etildi. Bu haqda viloyat hokimligi xabar qildi.
Uchrashuvlar davomida temir yo`l uchun zarur bo`ladigan butlovchi va ehtiyot qismlar ishlab chiqarishni yo`lga qo`yish, “Navoiy” EIZ hududida qiymati 5 mln. dollarlik eshik va derazalar hamda ehtiyot qismlari ishlab chiqarishni tashkil etish, zig`ir poyasi va paxta tolalari aralashmalaridan ip kalavadan boshlab tayyor mahsulotgacha ishlab chiqarish loyihalari, Navoiy viloyatidan Rossiya Federasiyasiga tabiiy pardozbop toshlarni eksport qilish bo`yicha muzokara olib borildi. Qayd etioishicha, uchrashuvning ilk kunija 40 mln dollarlik kelishuvga erishilgan.
