​O`zbekiston va Qozog`iston Prezidentlarining telefon orqali muloqoti bo`lib o`tdi

Jamiyat 25.04.2017, 09:51
Teglar: O`zbekiston, Telefon, Qozog`iston, Shavkat Mirziyoev, Prezident
​O`zbekiston va Qozog`iston Prezidentlarining telefon orqali muloqoti bo`lib o`tdi

O`zaro kelishuvga muvofiq O`zbekiston Respublikasi Prezidenti Shavkat Mirziyoev bilan Qozog`iston Respublikasi Prezidenti Nursulton Nazarboev o`rtasida 24 aprel kuni telefon orqali muloqot bo`lib o`tdi.

Davlat rahbarlari siyosiy, savdo-iqtisodiy, transport-kommunikasiya, ilmiy-texnik, madaniy-gumanitar va boshqa sohalarda o`zaro manfaatli hamkorlik faollashganini mamnuniyat bilan qayd etdilar, deb yozadi O`zA.

2017 yilning 22-23 mart kunlari Ostona shahrida bo`lib o`tgan oliy darajadagi samarali muzokaralar O`zbekiston – Qozog`iston o`rtasidagi strategik sheriklik munosabatlarini amaliy mazmun bilan boyitdi va o`zaro hamkorlikning yangi istiqbollarini belgilab berdi.

Tomonlar yaqin yillarda qulay sharoitlar yaratish, biznes sub`ektlari o`rtasida bevosita va uzoq muddatli sheriklik aloqalarini o`rnatishga ko`maklashish, transport-kommunikasiya va tranzit salohiyatini oshirish hisobidan o`zaro tovar ayirboshlash hajmini 5 milliard dollarga etkazish haqidagi mo`ljalni tasdiqladilar. Hududlararo, avvalambor, chegaraoldi hududlar o`rtasida aloqalarni yanada kengaytirish, madaniy-gumanitar munosabatlarni faollashtirish qo`llab-quvvatlandi.

Ikki tomonlama hamkorlik bo`yicha hukumatlararo qo`shma komissiya o`zaro hamkorlikning barcha yo`nalishlarini rivojlantirishda muhim ahamiyat kasb etishi ta`kidlandi.

Davlat rahbarlari O`zbekiston va Qozog`iston qardosh xalqlarimizning vaqt sinovidan o`tgan o`zaro munosabatlariga amal qilgan holda, bundan buyon ham mamlakatlarimiz barqaror iqtisodiy taraqqiyotini ta`minlashga qaratilgan qo`shma dastur va loyihalarni amalga oshirishni qo`llab-quvvatlashini qayd etdilar.

Tomonlar mintaqaviy va xalqaro siyosatga oid ayrim masalalar yuzasidan ham fikr almashdilar.

Suhbat O`zbekiston – Qozog`iston munosabatlariga xos samimiy va do`stona, o`zaro anglashuv va hurmat ruhida o`tdi.

Sharhlar

Qozog`istondan 120 dan ortiq xorijlik chiqarib yuborildi

18.03.2024, 12:51

Qozog`istondan 120 dan ortiq noqonuniy muhojir chiqarib yuborildi, deb xabar berdi Polisia.kz.“Migrant” tadbiri davomida huquq-tartibot idoralari xodimlari besh kun davomida 10 mingdan ortiq migrasiya qonunchiligi...
O`zbekiston Eronni mag`lub etib, Osiyo kubogiga yo`llanmani qo`lga kiritdi (video)

13.09.2023, 11:02

Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol  o`tkazib...
Toshkentdan Koreyaga borgan qozog`istonliklar deportasiya qilingach, aeroportda qochib ketdi (video)

01.04.2023, 11:02

Qozog`istonning deportasiya qilingan ikki fuqarosi Janubiy Koreyada qochib ketdi, deb xabar berdi Tengrinews.kz. Ma`lumotni Qozog`iston tashqi ishlar vazirligi matbuot xizmati tasdiqlagan.Qozoqlarning qochishi ijtimoiy tarmoqlardan ma`lum...
O`zbekiston Qurolli kuchlarini qurollantirish bo`yicha davlat komissiyasi tashkil etildi

03.02.2023, 11:00

O`zbekiston Prezidenti “O`zbekiston Respublikasi Qurolli kuchlarini qurollantirish va mudofaa sanoati sohasida davlat boshqaruvini takomillashtirish bo`yicha chora-tadbirlar to`g`risida”gi farmonni imzoladi.Hujjat bilan O`zbekiston Qurolli kuchlarini qurollantirish bo`yicha...
Ob-havo: Toshkent
Valyuta kursi
1