Adliya vazirligi tomonidan yangi — Milliy huquqiy internet portali (http://huquqiyportal.uz) ishga tushirildi. Bu haqda Adliya vazirligi Jamoatchilik bilan aloqalar bo`limi ma`lum qildi.
Portalda huquqiy ma`lumotlar, qonunchilikdagi eng so`nggi yangiliklar, muammoli vaziyatlarga oid savollarga javoblar, odamlar uchun eng zarur huquqiy tavsiyalarning barchasi berib boriladi.
Mazkur portal Adliya vazirligining 10 dan ortiq axborot tizimlarini, xususan, lex.uz, adliya organlari va muassasalarining rasmiy veb-saytlari, advice.uz, bolahuquqlari.uz portallarini birlashtiradi.
Portalda Toshkent davlat yuridik universiteti, Yuristlar malakasini oshirish markazi, X.Sulaymonova nomidagi Respublika sud ekspertiza markazining o`quv kurslari haqida ham ma`lumotlar berilgan.
Foydalanuvchilar portaldan Adliya vazirligi tizimidagi ta`lim muassasalari, advokatlar va notariuslar xizmatlariga oid e`lonlar, tezkor ishonch telefonlari haqida ma`lumot olishlari mumkin. Shuningdek, portalda huquqiy savodxonlikni oshiruvchi yuridik lug`at va eng zarur huquqiy adabiyotlar elektron maydonchasi ham mavjud.
Mazkur portal aholining huquqiy ongini yuksaltirishda samarali platforma bo`lib xizmat qilishi hamda yagona kirish nuqtasi orqali huquqiy axborotni olish uchun qulay imkoniyat yaratishi shubhasiz.
Ushbu portal Prezidentning 2019 yil 9 yanvardagi PF–5618-son Farmonida nazarda tutilgan vazifalar ijrosi doirasida ishlab chiqildi va ishga tushirildi.
08.02.2022, 14:02
Kecha, 7 fevral kuni bo`lib o`tgan hisobot yig`ilishida Adliya vaziri Toshkentda joriy etilgan haydovchilik guvohnomasini beruvchi Yagona imtihon markazi monopoliya tashkiloti emasligini ma`lum qildi. Vazirning aytishicha,...
30.08.2021, 18:09
Prezident qarori (PQ–5238-son, 28.08.2021 y.) bilan Toshkent shahrida “S.A. Gerasimov nomidagi Butunrossiya davlat kinematografiya instituti” federal davlat byudjeti oliy ta`lim muassasasi filiali tashkil etildi. Qarorga ko`ra,...
16.08.2021, 18:14
Adliya vazirligi respublikaning barcha hududlarida Yuridik xizmat ko`rsatish markazlarini malakali kadrlar bilan to`ldirish maqsadida tanlov e`lon qildi.Nomzodga qo`yiladigan talablar qo`yilmoqda:● yurisprudensiya mutaxassisligi bo`yicha oliy ma`lumotga...
12.08.2021, 08:02
Adliya vazirligi tomonidan ishlab chiqilgan avtomobil yo`llari sohasida moliyaviy ochiqlik va jamoatchilik oldida hisobdorlikni ta`minlashga qaratilgan O`zbekiston Respublikasi Prezidenti qarori loyihasi muhokama uchun regulation.gov.uz portaliga joylashtirildi....
