Oliy ta`lim muassasalariga kirish istagida bo`lgan va ayni hujjat topshirish payida yurgan yurtimiz yoshlari tomonidan berilgan savollarga Oliy va o`rta maxsus ta`lim vazirligi matbuot xizmati rahbari Farhod Babashev javob beradi.
“Ayting-chi, oliy ta`lim dargohlariga o`qish yoshi chegaralanganmi?”
A.Mirzaev, Qashqadaryo viloyati
— Oliy ta`lim muassasalarida ta`lim olish yoshi chegaralanmagan. Necha yoshda bo`lishidan qat`i nazar o`qish istagida bo`lgan shaxs barcha abiturientlar singari hujjat topshirib, test sinovlarida qatnashishi mumkin. Biroq o`qishga hujjat topshirguniga qadar biror tashkilotda ishlagani yoxud boshqa holatlarni aniqlashtirish uchun qo`shimcha ma`lumotnomalar so`ralishi mumkin.
Shuningdek, agarda shaxs avval biror oliy ma`lumotni olgan bo`lsa-yu, buni sir tutgan holda hujjat topshirib, holat aniqlashtirilsa, qonunchilikka ko`ra javobgarlikka tortiladi.
“Darakchi” gazetasining 30 iyun kuni sotuvga chiqadigan 26-sonida OTMlarga hujjat topshirishdagi 5 ta muammoli savollarga asosli javob olishingiz mumkin!
