Fransiyada yuqori sinf o`quvchilari maktablarni yopishni talab qilmoqda

Dunyo 04.11.2020, 21:42
Teglar: Fransiya
Fransiyada yuqori sinf o`quvchilari maktablarni yopishni talab qilmoqda

Fransiyaning Parij, Nant va Bezanson shaharlaridagi yuqori sinf o`quvchilari maktablarga kirishni yopib qo`yishdi. Ular yangi lokdaun sharoitida sanitariya me`yorlariga rioya etilmayotganidan noroziligini shunday ifodalashgan. Bu haqda RFI radiosi xabar berdi.

Ayniqsa, pandemiya sharoitida ijtimoiy masofaga etarli darajada e`tibor qaralmayotgani ularning e`tirozlariga sabab bo`lmoqda. Xususan, o`quvchilar bir-birlari bilan yonma-yon o`tirishgani va odatiy vaqtdagi o`qish sharoitlaridan hech qanday farq sezishmayotganliklaridan shikoyat qilishgan.

Oqibatda Parijda yuqori sinf o`quvchilari ertalabdan qariyb o`nta liseyni “bloklab” qo`ygan. Ammo polisiya aralashuvi bilan taxminan soat 9:30da ta`lim maskanlari eshiklari ochilgan.

“Le Figaro” gazetasi axborotiga ko`ra, poytaxtning X okgrugidagi Kolber liseyi o`quvchilari va huquq-tartibot xodimlari o`rtasida to`qnashuv sodir bo`lgan. Hatto bir guruh o`quvchilar maktab binosiga shisha idishlarni otgan.

Polisiya tomonidan ko`zni yoshlantiruvchi gaz qo`llanilgandan so`nggina norozi yoshlar tarqatilgan. O`quvchilarning aytishicha, huquq-tartibot organlari tomonidan rezina tayoqlar ham ishlatilgan.

Oqibatda bir kishi jarohatlangan. 40 nafar yuqori sinf o`quvchisi esa 135 evrodan jarimaga tortilgan. Bunday aksiyalar Nant va Bezansondan ham ro`y berdi. Maktablarni ochish uchun polisiya aralashishga majbur bo`ldi.

 
  

Sharhlar

Emmanuel Makron ikkinchi marotaba Fransiya prezidenti etib saylandi

25.04.2022, 09:10

Fransiyada 24 aprel, yakshanba kuni prezidentlik saylovlarining ikkinchi bosqichi bo`lib o`tdi, deya yozmoqda "Zamon".Dastlabki natijalarga ko`ra, Fransiyaning amaldagi prezidenti Emmanuel Makron etakchilik qildi. U 58,55...
Fransiyada shifokorlar etishmasligi kuzatilmoqda

31.12.2021, 11:25

Fransiyada koronavirusning yangi "omikron" shtammi tufayli holat ancha jiddiylashib bormoqda. Natijada, shifokorlarga bo`lgan talab sezirarli darajada o`sgan. Bu haqda euronews xabar berdi. Ma`lum bo`lishicha, "omikron" tufayli...
Fransiyada koronavirus bilan bog`liq holatlar ko`paygani ma`lum qilindi

29.12.2021, 23:16

Fransiyada koronavirus bilan kasallanish holati ko`paygani ma`lum qilindi. Bu haqda sog`liqni saqlash vaziri Olive Veran ham tasdiqladi. Vazir ta`kidlashicha, oxirgi sutkada 209 kishida kasallanish holati kuzatilgan....
Fransiyada koronavirusning navbatdagi to`lqini boshlandi

22.11.2021, 23:34

Fransiya hukumati mamlakatda koronavirusning navbatdagi to`lqini boshlanganini ma`lum qildi. Bu haqda Le Figaro xabar berdi. Mamlakat Bosh vaziri Gabriel Attalning so`zlariga ko`ra, bir hafta ichida koronavirus infeksiyasining yangi...