Turkiya madaniyat va turizm agentligi tomonidan o`zbekistonlik jurnalist va blogerlar uchun Istambul, Antaliya va Kapadokiya shaharlariga navbatdagi sayohat uyushtirildi. Ayni paytda o`zbekistonlik OAV xodimlari, xususan, "darakchi.uz" jurnalisti ham afsanaviy Istanbul shahrida bo`lib turibdi.
Sayohatimizning ilk kuni, albatta dunyoning eng qaynoq nuqtalaridan hisoblangan Istanbul markaziy ko`chalarida bo`ldi. Asrlar mobaynida Istanbulda bir nechta madaniyat iz qoldirgan. Bugun ularning ta`sirini o`z ko`zingiz bilan ko`rishingiz mumkin, buning uchun shunchaki, shahar ko`chalari bo`ylab yurish kifoya: Sulton Ahmet va XIX asrdagi Evropani eslatuvchi oqlangan Beyogluning muqaddas joylaridan tortib, zamonaviy Nishantashi kvartaligacha, Kadikoydagi klublar va Beshiktoshning futbolni sevadigan ko`chalari... Bu maskanga kelganlarning yagona iqrori: Istanbul - bu shunchaki shahar emas, balki bir nechta shahar, yoki shaharlarning shahari.
Shahar ko`chalari bo`ylab aylanar ekansiz, Siz qiziqarli aksiyalar va yirik chegirmalar asosida buyumlar sotib olish imkoniga ega bo`lasiz. Shuningdek Istanbulda hali ko`rib ulgurmagan tadbirlar ishtirokchisiga aylanasiz. Savdo festivali, tarixiy meros, boy madaniyat, tansiq taomlar, savdo va bitmas tuganmas ko`ngilxushliklarni Istanbul shahri bir-biriga bog`laydi. Yorug` va rang-barang ko`chalar, yirik savdo majmualarida siz o`zingizga yoqqan narxlarda barcha narsalarni topishingiz mumkin, har xil syurprizlar esa sayohatning ajralmas qismi bo`lib qoladi.
Shaharda ozodalik va tartib mujassam. Odamlar bilan gavjum markaziy ko`chalarda mushuk va itlaring uchrashi va ularning insonlardan cho`chimay yurishi oddiy holat ekan. Siz ularga yaqin borishingiz, bemalol ularni erkalatishingiz yoki biror egulik bilan mehmon qilishingiz mumkin.
Istanbul markaziy ko`chalari bir vaqtning o`zida ham tashrif buyuruvchilar va iste`molchilar uchun, ham yengil mashinalar uchun harakat yo`li hisoblanadi. Shuningdek, tramvaylar qatnovi ham yo`lga qo`yilgan. Biroq, hech qachon fuqarolarni chetga chiqishga undaydigan, quloqni qomatga keltiruvchi signallar, yo`ldan o`tib qolishga harakat qilayotgan fuqarolar yoki tramvay yo`lini to`sib qo`ygan biror holatga duch kelmaysiz. Garchi, gavjum ko`cha bo`lsada, hammasi juda chiroyli va tartibli.
Shahar nomi bilan bog`liq va bir-biriga bog`liq bo`lmagan ko`plab hikoyalar va afsonalar mavjud. Istanbul turli vaqtlarda Vizantiya, Konstantinopol, Konstantine, Asitane (forscha Asitane - poytaxtlarning poytaxti), Do`rilxilafe va Dersaadet (Dersaadet - saodat, baxt eshigi) deb nomlangan.
Shunday ma`lumotlardan biri: yunonistonlik Meliki Timoshning ismi Istanbul bo`lgan. O`g`li hukmronligining to`rt yilida shahar qurilishida ishlagan. Biroq, uning qurilishini Istanbulga kelgan Konstantin tugatadi va shaharni o`z nomi bilan chaqiradi. X asr kitobida shahar Istinbolin deb nomlangan.
Istanbulda qurilgan 7 ta tepalik tufayli uni muhtasham Bosfor orqali Osiyo va Ytvropa qismlariga ajratgan va Oltin Horn ko`rfazi tufayli shahar noyob bo`lib kelgan va noyob bo`lib qolaveradi.
Biz esa Istanbuldagi eng diqqatga sazovor maskanlar va qadimiy obidalar bo`ylab sayohatimizni davom ettiramiz.
Farida Egamberdiyeva, Turkiya-Istambul
18.03.2024, 10:30
Ozarbayjon, Turkiya va Gruziya tashqi ishlar vazirlarining uchrashuvi yakunlari bo`yicha Boku deklarasiyasi imzolandi.Bu haqda Ozarbayjon tashqi ishlar vaziri Jeyhun Bayramov Turkiya va Gruziya tashqi ishlar...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...29.09.2023, 00:10
Bugun, 28 sentyabr kuni soat 02:43 da Toshkent shahar Sergeli tumani "Quruvchilar" dahasida joylashgan omborxonalarning birida kuchli chaqnash oqibatida yong`in sodir bo`lgani haqida xabar bergan...