У шунчаки шаҳар эмас... Ёхуд дунёни ўзига ром этган Истанбулнинг сири нимада? (фоторепортаж)

ЖАМИЯТ 26.01.2021, 10:47
Теглар: Фото, Туркия
У шунчаки шаҳар эмас... Ёхуд дунёни ўзига ром этган Истанбулнинг сири нимада? (фоторепортаж)

Туркия маданият ва туризм вазирлиги томонидан ўзбекистонлик журналист ва блогерлар учун Истанбул, Анталия ва Кападокия шаҳарларига навбатдаги саёҳат уюштирилди. Айни пайтда ўзбекистонлик ОАВ ходимлари, хусусан, "darakchi.uz" журналисти ҳам афсанавий Истанбул шаҳрида бўлиб турибди. Саёҳатимизнинг илк куни, албатта дунёнинг энг қайноқ нуқталаридан ҳисобланган Истанбул марказий кўчаларида бўлди.

Асрлар мобайнида Истанбулда бир нечта маданият из қолдирган. Бугун уларнинг таъсирини ўз кўзингиз билан кўришингиз мумкин, бунинг учун шунчаки, шаҳар кўчалари бўйлаб юриш кифоя: Султон Аҳмет ва ХIХ асрдаги Eвропани эслатувчи оқланган Бейоглунинг муқаддас жойларидан тортиб, замонавий Нишанташи кварталигача, Кадикойдаги клублар ва Бешиктошнинг футболни севадиган кўчалари... Бу масканга келганларнинг ягона иқрори: Истанбул - бу шунчаки шаҳар эмас, балки бир нечта шаҳар, ёки шаҳарларнинг шаҳари.

Шаҳар кўчалари бўйлаб айланар экансиз, Сиз қизиқарли акциялар ва йирик чегирмалар асосида буюмлар сотиб олиш имконига эга бўласиз. Шунингдек Истанбулда ҳали кўриб улгурмаган тадбирлар иштирокчисига айланасиз. Савдо фестивали, тарихий мерос, бой маданият, тансиқ таомлар, савдо ва битмас туганмас кўнгилхушликларни Истанбул шаҳри бир-бирига боғлайди. Ёруғ ва ранг-баранг кўчалар, йирик савдо мажмуаларида сиз ўзингизга ёққан нархларда барча нарсаларни топишингиз мумкин, ҳар хил сюрпризлар эса саёҳатнинг ажралмас қисми бўлиб қолади.

Шаҳарда озодалик ва тартиб мужассам. Одамлар билан гавжум марказий кўчаларда мушук ва итларинг учраши ва уларнинг инсонлардан чўчимай юриши оддий ҳолат экан. Сиз уларга яқин боришингиз, бемалол эркалатишингиз ёки уларни бирор егулик билан меҳмон қилишингиз мумкин.

Истанбул марказий кўчалари бир вақтнинг ўзида ҳам ташриф буюрувчилар ва истеъмолчилар учун, ҳам енгил машиналар учун ҳаракат йўли ҳисобланади. Шунингдек, трамвайлар қатнови ҳам йўлга қўйилган. Бироқ, ҳеч қачон фуқароларни четга чиқишга ундайдиган, қулоқни қоматга келтирувчи сигналлар, йўлдан ўтиб қолишга ҳаракат қилаётган фуқаролар ёки трамвай йўлини тўсиб қўйган бирор ҳолатга дуч келмайсиз. Гарчи, гавжум кўча бўлсада, ҳаммаси жуда чиройли ва тартибли.

Нега номи Истанбул?

Шаҳар номи билан боғлиқ ва бир-бирига боғлиқ бўлмаган кўплаб ҳикоялар ва афсоналар мавжуд. Истанбул турли вақтларда Византия, Константинопол, Константине, Аситане (форсча Аситане - пойтахтларнинг пойтахти), Дўрилхилафе ва Дерсаадет (Дерсаадет - саодат, бахт эшиги) деб номланган.

Шундай маълумотлардан бири: юнонистонлик Мелики Тимошнинг исми Истанбул бўлган. Ўғли ҳукмронлигининг тўрт йилида шаҳар қурилишида ишлаган. Бироқ, унинг қурилишини Истанбулга келган Константин тугатади ва шаҳарни ўз номи билан чақиради. Маълум муддат тарихда шаҳар Истинболин деб ҳам номланган. 

Истанбулда қурилган 7 та тепалик туфайли уни муҳташам Босфор орқали Осиё ва Европа қисмларига ажратган ва Олтин Ҳорн кўрфази туфайли шаҳар ноёб бўлиб келган ва ноёб бўлиб қолаверади.

Биз эса Истанбулдаги энг диққатга сазовор масканлар ва қадимий обидалар бўйлаб саёҳатимизни давом эттирамиз. 

Фарида Эгамбердиева, Туркия-Истанбул

 

Шарҳлар

Анталиянинг 350 йиллик архитектура дурдонаси: Тугмали уйлар. Номи нега бундай аталади?

23.01.2023, 12:02

Туркия ўзининг гўзал табиатига қўшимча равишда, мамлакатнинг минтақавий маданиятларининг бойлиги ва хилма-хиллиги билан барқарор сайёҳлик йўналиши сифатида ажралиб туради. Тугмали уйлар, Туркиядаги кўплаб гўзал анъанавий...
Туркияда президентлик ва парламент сайловлари муддатидан аввал ўтказилиши кутилмоқда

05.01.2023, 11:19

Туркия президенти Ражаб Тоййиб Эрдўғон Анқарадаги президентлик саройида Бахчели билан бир соатлик учрашув ўтказди ва асосий муҳокама мавзуси 2023 йилги сайлов санаси бўлди.Маълум қилинишича, президент...
Биринчи қор оғушидаги Тошкент (фоторепортаж)

05.12.2022, 20:26

"Ўзгидромет" башорат қилганидек, Ўзбекистонда қиш 1 декабрдан кириб келди. Дам олиш кунлари республикада ҳаво ҳарорати кескин тушиб, Нукусда -17 даражани, куни кеча Навоий вилоятида эса...
Қизларни Тошкентдан Туркияга фоҳишалик қилиш учун юбораётган аёлларга суд ҳукми ўқилди

30.09.2022, 11:54

ДХХ матбуот хизмати "darakchi.uz"га одам савдоси билан шуғулланган аёлларнинг жиноятлари тафсилотлари ҳақида маълумот тақдим этди.  Маълум қилинишича, Тошкент вилоятининг Ўртачирчиқ туманида яшовчи, 1999 й.т. “М.Р.” (аёл)...