Bugun Termiz xalqaro aeroporti va Urganch xalqaro aeroporti o`rtasida ilk bor «Termiz –Urganch -Termiz» aviaqatnovi yo`lga qo`yildi. Bu haqda "Termiz xalqaro aeroporti" MChJ matbuot xizmati xabar berdi.
Parvozlar haftada bir marta — har chorshanba kunlari «Termiz – Urganch» yo`nalishida HY–067 raqamli reys 12:50 – 14:15da, «Urganch – Termiz» yo`nalishida esa HY–068 reys 16:00 – 17:15da amalga oshirilmoqda.
"Xorazmdan Surxondaryogacha avtomashinada 15-18 soat vaqt davomida yo`l bosib kelinardi. Bugun bir soat atrofidagi vaqt atrofida Termizga etib keldim. Har tomonlama bu aviaqatnov biz kabi, tadbirkorlik bilan shug`ullanuvchi fuqarolarga qulaylik tug`diradi, – deydi yo`lovchilardan biri Sanjar Allaniyozov.
