Бугун Термиз халқаро аэропорти ва Урганч халқаро аеропорти ўртасида илк бор «Термиз –Урганч -Термиз» авиақатнови йўлга қўйилди. Бу ҳақда "Термиз халқаро аеропорти" МЧЖ матбуот хизмати хабар берди.
Парвозлар ҳафтада бир марта — ҳар чоршанба кунлари «Термиз – Урганч» йўналишида HY–067 рақамли рейс 12:50 – 14:15да, «Урганч – Термиз» йўналишида эса HY–068 рейс 16:00 – 17:15да амалга оширилмоқда.
"Хоразмдан Сурхондарёгача автомашинада 15-18 соат вақт давомида йўл босиб келинарди. Бугун бир соат атрофидаги вақт атрофида Термизга етиб келдим. Ҳар томонлама бу авиақатнов биз каби, тадбиркорлик билан шуғулланувчи фуқароларга қулайлик туғдиради, – дейди йўловчилардан бири Санжар Алланиёзов.
