O`zbekiston Respublikasi Prezidenti «Avtomobil transportida yo`lovchilar tashish faoliyatini tartibga solishni yanada soddalashtirish chora-tadbirlari to`g`risida»gi qarorni imzoladi.
Qarorga ko`ra 2021 yil 15 maydan 2022 yil so`nggiga qadar eksperiment tariqasida haydovchidan tashqari to`rtta o`rindiqli engil avtotransportda taksi xizmati ko`rsatish yakka tartibdagi tadbirkorlik (YaTT) faoliyat turlari ro`yxatiga kiritiladi.
YaTT sifatida yo`lovchi tashish faoliyati lisenziya varaqasi asosida amalga oshiriladi. Yakka tartibdagi tashuvchilar:
– 21 yoshga to`lgan va boshqaruvida 10 yildan ortiq bo`lmagan muddatda ekspluatasiya qilinayotgan engil avtomobil bo`lishi;
– transport vositasini texnik xizmat ko`rsatish stansiyalarida har 6 oyda kamida bir marotaba texnik ko`rikdan o`tkazishi;
– – “Uztrans” yagona interaktiv axborot tizimiga ulangan ko`p tarmoqli poliklinikalar, xususiy klinikalarda yoki oilaviy poliklinikalarda oylik tibbiy ko`rikdan o`tishi lozim.
Shuningdek yakka tartibdagi tashuvchilar:
– faoliyati doirasida xodimlarni ishga yollamaydi;
– lisenziya varaqasi uchun yiliga bir marotaba BHMning bir barobari (245 ming so`m) miqdorida davlat boji to`laydi;
2021 yil 1 sentyabrdan boshlab yakka tartibdagi tashuvchilar faoliyatini faqatgina agregatorlar xizmatidan foydalangan holda amalga oshiradi.
Bunda yakka tartibdagi tashuvchilar:
– 2021 yil uchun har oylik 150 ming so`m miqdorida qat`iy belgilangan miqdorda soliq to`lashi;
– avtotransport vositasi tepasiga “TAXI” belgili to`q sariq rangli fonar o`rnatishi;
– to`lovni amalga oshirish, shuningdek bosib o`tilgan yo`lni elektron tarzda qayd etish imkoniyatini beruvchi maxsus ilovali moslamalarga ega bo`lishi lozim.
Davlat soliq qo`mitasi Transport vazirligi va Ichki ishlar vazirligi bilan birgalikda 2021 yil 1 oktyabrga qadar engil avtotransport vositasida yo`lovchi tashish faoliyatini amalga oshirish uchun berilgan lisenziyalar, elektron yo`l varaqalari, shuningdek, tibbiy ko`rikdan o`tgan yakka tartibdagi tashuvchilar va texnik ko`rikdan o`tgan transport vositalari to`g`risidagi ma`lumotlarning idoralararo almashinuvi bo`yicha yagona elektron platformani ishga tushiradi.
Mamlakatimiz Prezidentining mazkur qarori xufiyona iqtisodiyotni qisqartirishga, xususan aholi daromadlarini legallashtirishga va sohada teng raqobat muhitini shakllantirib, xizmatlar bozorini rivojlantirishga xizmat qiladi.
03.11.2019, 20:37
Yuridik shaxs sifatida yo`nalishsiz taksi xizmatini ko`rsatishni istovchilarga lisenziya berish talabini soddalashtirish uchun taksi avtomobillarini bir rangda bo`lishi to`g`risidagi talabni bekor qilish rejalashtirilyapti. Bu haqda matbuot...10.10.2017, 09:51
Toshkent shahar hokimligi Yo`lovchi transportining barcha turlari harakatini lisenziyalash va muvofiqlashtirish departamenti yana bir tashkil qilingan yo`nalishli taksi harakati haqida ma`lumot berdi. Aholining murojaatlarini inobatga...03.07.2017, 15:10
Nukus shahrida shunday "taksist" onaxon bor uni ko`pchilik taniydi. "Facebook" ijtimoiy tarmog`ida ana shu taksi haydovchi onaxonning rasmi ancha ommalashib ketdi, deb yozadi “KRuz.uz”.Ijtimoiy tarmoqlarda...31.03.2017, 10:21
Rossiyaning Nijniy Tagil shahrida taksichi o`zi bilmagan holda mijozining bolasini olib ketdi, deb xabar berdi Lenta.ru nashri. Bu haqda Sverdlov viloyati tergov qo`mitasi tergov boshqarmasi...