Vaksinalar Jahon sog`liqni saqlash tashkilotining «COVAX» dasturi doirasida ajratiladi va 29 iyul kuni maxsus havo qatnovi vositasida AQShning Alabama shtatidan O`zbekistonga etkazib beriladi, deb xabar bermoqda «Dunyo» AA muxbiri.
Mamlakatimiz elchixonasi ma`lumotiga ko`ra, AQSh beg`araz ko`mak tariqasida «Moderna» kompaniyasining koronavirusga qarshi qo`llaniladigan 3 million doza vaksinasini ajratdi.
AQSh Kasalliklar nazorati va ularning oldini olish bo`yicha markazi (CDC) ma`lumotnomalarida qayd etilishicha, «Moderna» kompaniyasining vaksinasi 94 foizdan ziyod samaradorlikka ega bo`lgani holda COVID-19 virusi yuqishining oldini oladi. AQSh Oziq-ovqat mahsulotlari va dori-darmonlar sifatini nazorat qilish bo`yicha boshqarmasi (FDA) COVID-19 profilaktikasi uchun Moderna vaksinasini 18 va undan katta yoshdagilarda qo`llanilishiga ruxsat bergan. Mazkur vaksina teri ostiga yuboriladi, emlash bir oylik interval bilan ikki dozadan iborat.
Pfizer va BionTECH farmasevtika kompaniyalari preparatlaridan farqli o`laroq, Moderna taklif etayotgan vaksinani o`rtacha sovuqlikdagi haroratda saqlash mumkin, bu esa O`zbekistonning barcha hududlari bo`ylab tarqatilishini engillashtiradi.
AQSh Kasalliklar nazorati va ularning oldini olish bo`yicha markazi tadqiqotlaridan ma`lum bo`lishicha, Amerikada 93 foiz kasallik yuqish hollari emlash darajasi 40 foizdan kam bo`lgan okruglarga to`g`ri kelmoqda. Qayd etilishicha, koronavirus yuqishi bois kasalxonaga joylashtirilgan va hayotdan ko`z yumganlarning 99 foizi emlanmagan aholi hissasiga to`g`ri kelmoqda. Oq uy rahbari o`z chiqishida qayd etganidek, “millionlab AQSh fuqarolari hamon emlanmagan, shu bois ular kasallik xavfi ostida turibdi”.
Eslatib o`tamiz: Prezident Shavkat Mirziyoev 23 iyul kuni bo`lib o`tgan videoselektor yig`ilishida “Biz katta qiyinchiliklar bilan vaksina olib kelayapmiz” deb ta`kidlagani holda aholini faollik bilan emlanishga da`vat etdi.
19.05.2022, 14:53
O`zbekistonda koronavirus infeksiyasiga qarshi vaksinalar miqdori ko`paydi. Bu haqda Sog`liqni saqlash vazirligi matbuot xizmati xabar berdi. Ma`lum qilinishicha, O`zbekistonda ishlab chiqarilgan 6 172 770 doza...
15.01.2022, 10:36
Yurtimizda COVID-19ga qarshi qo`llanilgan vaksina miqdori 40,5 million dozadan oshdi.14 yanvarda mamlakatimiz hududlari bo`ylab 142 800 doza COVID-19ga qarshi vaksina qo`llanildi. Ulardan:1-bosqich emlanganlar 142 800...
08.01.2022, 12:43
7 yanvarda mamlakatimiz hududlari bo`ylab 154 024 doza COVID-19ga qarshi vaksina qo`llanildi. Ulardan:1-bosqich emlanganlar 19 069 nafarni, 2-bosqich emlanganlar 71 408 nafarni,3-bosqich emlanganlar 63 547...
31.12.2021, 13:05
30 dekabr holatiga ko`ra, yurtimizda 623 094 doza Pfizer vaksinasi bilan 12 yoshdan 18 yoshgacha bo`lgan bolalar ixtiyoriy ravishda emlandi.Ulardan:1-bosqich emlanganlar 439 880 nafarni,2-bosqich emlanganlar...
