Вакциналар Жаҳон соғлиқни сақлаш ташкилотининг «COVAX» дастури доирасида ажратилади ва 29 июль куни махсус ҳаво қатнови воситасида АҚШнинг Алабама штатидан Ўзбекистонга етказиб берилади, деб хабар бермоқда «Дунё» АА мухбири.
Мамлакатимиз элчихонаси маълумотига кўра, АҚШ беғараз кўмак тариқасида «Moderna» компаниясининг коронавирусга қарши қўлланиладиган 3 миллион доза вакцинасини ажратди.
АҚШ Касалликлар назорати ва уларнинг олдини олиш бўйича маркази (CDC) маълумотномаларида қайд этилишича, «Moderna» компаниясининг вакцинаси 94 фоиздан зиёд самарадорликка эга бўлгани ҳолда COVID-19 вируси юқишининг олдини олади. АҚШ Озиқ-овқат маҳсулотлари ва дори-дармонлар сифатини назорат қилиш бўйича бошқармаси (FDA) COVID-19 профилактикаси учун Moderna вакцинасини 18 ва ундан катта ёшдагиларда қўлланилишига рухсат берган. Мазкур вакцина тери остига юборилади, эмлаш бир ойлик интервал билан икки дозадан иборат.
Pfizer ва BionTECH фармацевтика компаниялари препаратларидан фарқли ўлароқ, Moderna таклиф этаётган вакцинани ўртача совуқликдаги ҳароратда сақлаш мумкин, бу эса Ўзбекистоннинг барча ҳудудлари бўйлаб тарқатилишини енгиллаштиради.
АҚШ Касалликлар назорати ва уларнинг олдини олиш бўйича маркази тадқиқотларидан маълум бўлишича, Америкада 93 фоиз касаллик юқиш ҳоллари эмлаш даражаси 40 фоиздан кам бўлган округларга тўғри келмоқда. Қайд этилишича, коронавирус юқиши боис касалхонага жойлаштирилган ва ҳаётдан кўз юмганларнинг 99 фоизи эмланмаган аҳоли ҳиссасига тўғри келмоқда. Оқ уй раҳбари ўз чиқишида қайд этганидек, “миллионлаб АҚШ фуқаролари ҳамон эмланмаган, шу боис улар касаллик хавфи остида турибди”.
Эслатиб ўтамиз: Президент Шавкат Мирзиёев 23 июль куни бўлиб ўтган видеоселектор йиғилишида “Биз катта қийинчиликлар билан вакцина олиб келаяпмиз” деб таъкидлагани ҳолда аҳолини фаоллик билан эмланишга даъват этди.
19.05.2022, 14:53
Ўзбекистонда коронавирус инфекциясига қарши вакциналар миқдори кўпайди. Бу ҳақда Соғлиқни сақлаш вазирлиги матбуот хизмати хабар берди. Маълум қилинишича, Ўзбекистонда ишлаб чиқарилган 6 172 770 доза...
15.01.2022, 10:36
Юртимизда COVID-19га қарши қўлланилган вакцина миқдори 40,5 миллион дозадан ошди.14 январда мамлакатимиз ҳудудлари бўйлаб 142 800 доза COVID-19га қарши вакцина қўлланилди. Улардан:1-босқич эмланганлар 142 800...
08.01.2022, 12:43
7 январда мамлакатимиз ҳудудлари бўйлаб 154 024 доза COVID-19га қарши вакцина қўлланилди. Улардан:1-босқич эмланганлар 19 069 нафарни, 2-босқич эмланганлар 71 408 нафарни,3-босқич эмланганлар 63 547...
31.12.2021, 13:05
30 декабрь ҳолатига кўра, юртимизда 623 094 доза Pfizer вакцинаси билан 12 ёшдан 18 ёшгача бўлган болалар ихтиёрий равишда эмланди.Улардан:1-босқич эмланганлар 439 880 нафарни,2-босқич эмланганлар...
