Shveysariyaning “Globogate Recruiting GmbH” tashkiloti o`rtasidagi hamkorlik kelishuviga asosan tajribali tibbiyot xodimlari Germaniya tibbiyot muassasalariga ishga taklif qilinmoqda.
Tashqi mehnat migrasiyasi agentligi bu haqda xabar berdi.
Unga ko`ra nomzodlar uchun quyidagi talablar qo`yilmoqda:
- 39 yoshdan oshmagan bo`lishi;
- tibbiyot sohasida 2 yillik doimiy ish tajribasiga ega bo`lishi;
- tibbiyot kolleji/texnikumini (3 yillik) tamomlagan bo`lishi (bakalavr diplomi yuqori baholanadi);
- bemorlarga g`amxo`rlik qilish qobiliyatiga ega bo`lishi;
- Toshkent shahrida tashkil etiladigan nemis tili kurslarida 10 oy davomida ishtirok etishi;
- nomzodlar nemis tili kurslarida qatnashayotgan vaqtda mehnat faoliyati bilan shug`ullanmasligi;
- Toshkent shahridagi Gyote instituti imtihonlaridan muvaffaqiyatli o`tishi.
Eslatib o`tamiz, o`quv dasturini tamomlagan nomzodlar ish beruvchi tomonidan tanlanadi. Biroq, dasturni muvaffaqiyatli tamomlagan va ish beruvchining tanlovidan o`tgan nomzodlarning chet elda ishga joylashishi Tashqi mehnat migrasiyasi agentligi tomonidan kafolatlanmaydi.
Nomzodlar o`z ma`lumotnomalarini (tarjimai hol) info@migration.uz elektron manziliga yuborishlari so`ralmoqda.
Murojaat uchun: 71-202-33-55 (ichki raqamlar 77, 88) yoki 1282 qisqa raqami.
