Joriy yilning 29 iyun kuni Oliy Majlis Senatining Mudofaa va xavfsizlik masalalari qo`mitasi a`zosi Abdug`ani Sanginov Surxondaryo viloyati, Uzun tumanidagi faollar, fuqarolar bilan uchrashuvida aholi toza ichimlik suvi bilan bog`liq muammolar yuzasidan murojaat qilgan edi.
Mazkur murojaat yuzasidan senator Uzun tumanidagi tegishli tashkilot rahbarlariga senatorlik so`rovlarini yuborgan edi. Natijada tuman bo`yicha 20 ta mahalla fuqarolar yig`ini hududidagi suv quduqlarida yaroqsiz ahvolga kelib qolgan suv nasoslarini yangisiga almashtirish rejalashtirilgan edi.
Senator so`rovnomasiga asosan shu yilning avgust-sentyabr oylarida tumanning “Obizarang” hamda “Do`stlik” mahalla fuqarolar yig`inidagi “Duoba” va “Karer” qishloqlarida jami 3 dona suv nasoslari yangisi bilan almashtirilib, aholi toza ichimlik suvi bilan ta`minlandi.
Natijada ushbu mahallalardagi 8 342 nafar aholining toza ichimlik suvi bilan bog`liq muammosi hal etildi. Bu kabi ishlar tuman bo`ylab davom etirilmoqda.
