Жорий йилнинг 29 июнь куни Олий Мажлис Сенатининг Мудофаа ва хавфсизлик масалалари қўмитаси аъзоси Абдуғани Сангинов Сурхондарё вилояти, Узун туманидаги фаоллар, фуқаролар билан учрашувида аҳоли тоза ичимлик суви билан боғлиқ муаммолар юзасидан мурожаат қилган эди.
Мазкур мурожаат юзасидан сенатор Узун туманидаги тегишли ташкилот раҳбарларига сенаторлик сўровларини юборган эди. Натижада туман бўйича 20 та маҳалла фуқаролар йиғини ҳудудидаги сув қудуқларида яроқсиз аҳволга келиб қолган сув насосларини янгисига алмаштириш режалаштирилган эди.
Сенатор сўровномасига асосан шу йилнинг август-сентябрь ойларида туманнинг “Обизаранг” ҳамда “Дўстлик” маҳалла фуқаролар йиғинидаги “Дуоба” ва “Карер” қишлоқларида жами 3 дона сув насослари янгиси билан алмаштирилиб, аҳоли тоза ичимлик суви билан таъминланди.
Натижада ушбу маҳаллалардаги 8 342 нафар аҳолининг тоза ичимлик суви билан боғлиқ муаммоси ҳал этилди. Бу каби ишлар туман бўйлаб давом этирилмоқда.
