Sevimli

Kinochilar uyida "Vatan ostonasi" filmining katta premerasi bo`lib o`tdi (foto)

Madaniyat 25.06.2022, 00:19
Kinochilar uyida "Vatan ostonasi" filmining  katta premerasi bo`lib o`tdi (foto)

Bugun “Kinochilar uyi”ning katta zalida Kinematografiya agentligi buyurtmasiga binoan "Vatan" kinostudiyasi tomonidan suratga olingan rejissyor Hilol Nasimovning "Vatan ostonasi" filmining premerasi katta tantana bilan o`tkazildi.

Mazkur film Kinematografiya agentligi hamda Davlat Xavfsizlik xizmati Chegara qo`shinlari bilan hamkorlikda yaratilgan bo`lib, unda chegarachilar hayoti, ularning mashaqqatli zahmati va kasbiga bo`lgan fidoyiligi haqida hikoya qilinadi.

An`anaga ko`ra “Qizil yo`lakcha” bo`ylab film ijodkorlari Chegara qo`shinlari Harbiy orkestri jo`rligida tantanali kutib olindi.

Tadbirning asosiy qismini  Kinematografiya agentligi bosh direktorining birinchi o`rinbosari Shuxrat Tursunovich Rizaev hamda Davlat xavfsizlik xizmati Raisining o`rinbosari – Chegara qo`shinlari qo`mondoni general-mayor Xusanov Salimjon Erkinjonovichlar tomonidan ochib berildi.  

Shundan so`ng film suratga olinishida yaqindan yordam bergan tashkilotlar vakillari va filmning barcha ijodkorlariga esdalik sovg`alari taqdim etildi.

Shuningdek, premeraga Davlat xavfsizlik xizmati, Chegara qo`shinlari qo`mondonligi, DXX Akademiyasi, Qurolli kuchlar Akademiyasi, Davlat Bojxona qo`mitasi, Favqulotda vaziyatlar vazirligi, Ichki ishlar vazirligi, Mudofaa vazirligi va O`zbekiston milliy gvardiyasi qo`mondonligidan maxsus mexmonlar tashrif buyurishdi.

Sharhlar