Joriy yilning 24 iyun kuni Rossiyaning elektronika va maishiy texnika bozoridagi eng yirik chakana sotuvchilaridan biri hisoblangan “M.Video-Eldorado” guruhi boshqaruv direktori Sergey Li Artel kompnaniyasiga tashrif buyurib, kompaniya rahbariyati bilan hamkorlik masalalarida muzokaralar olib borgandi.
Bundan tashqari, mehmonlar ishlab chiqarish korxonalari bilan yaqindan tanishgan.
O`zaro muloqot chog`ida tomonlar hamkorlikni yo`lga qo`yish va Rossiyaning 314 shahridagi barcha formatdagi 1200 dan ortiq do`konni birlashtirgan “M.Video-Eldorado” saytlarida Artel brendi mahsulotlarini joylashtirishga kelishib oldilar. Dastlabki bosqichda “M.Video-Eldorado” do`konlarida Artel mahsulotlari quyidagi toifalar bo`yicha keng tarqaladi: muzlatgichlar, televizorlar, pishirgichlar va changyutgichlar.
Ayni paytda ma`lum qilinishicha, muzokaralar natijasiga ko`ra, Artel kompaniyasi “M.Video-Eldorado” bilan maishiy texnika etkazib berish bo`yicha shartnoma imzoladi. Bu haqda Artel kompaniyasi matbuot xizmati xabar qildi.
Ma`lum qilinishicha, iyul-avgust oylarida sovutgichlar, muzlatgichlar, kir yuvish mashinalari, televizorlar, pechkalar, changyutgichlar va kondisionerlar sotuvga chiqariladi.
Ta`kidlash kerakki, Artel kompaniyasi mahsulotlarini O`zbekistonning ichki bozori bilan birga MDH, Yaqin Sharq, Shimoliy Afrika mamlakatlariga eksport qiladi. Shu bilan birga Artel Samsung, Shivaki, Viessmann kompaniyalarining mintaqaviy hamkori hisoblanadi.
Shu o`rinda qiziq bir ma`lumot: Holodilnik.ru tijorat direktori Aleksey Pogudalov “Kommersant.ru”ga bergan intervyusida Artel "to`g`ri strategiya" orqali Rossiya bozorini 3 %dan 5 %gacha egallashi mumkinligi haqida fikr bildirdi.
16.12.2022, 13:43
Bundan bir necha kun avval darakchi.uz’da Farg`ona viloyati Beshariq tumani “Qo`rg`oncha” QFYda yashovchi 71 yoshli onaxonning og`ir yashash sharoiti, abgor ahvolga kelib qolgan uyi, tuman...07.09.2022, 09:51
Artel kompaniyasi Germaniyaning Berlin shahrida bo`lib o`tgan "IFA Berlin — 2022” elektronika va maishiy texnika mahsulotlari xalqaro ko`rgazmasida ishtirok etdi. Joriy yilning 2-6 sentyabr kunlari...