O`zgani qo`rqitish orqali pul talab qilgan shaxs qo`lga olindi. Bu haqda Samarqand viloyati IIB matbuot xizmati xabar berdi.
Ma`lum qilinishicha, Samarqand tumanida yashovchi 1997 yilda tug`ilgan A.D, ariza bilan murojaat qilib, telegram messenjerida noma`lum shaxs feyk xabar orqali uning telegram akkauntiga kelgan kodni bilib, boshqaruvini qo`lga kiritganligi va boshqalar ko`rishi mumkin bo`lmagan fotosuratlarini tanishlariga yuborganligi, shundan so`ng ushbu fotosuratlarni tarmoqlarda tarqatib yuborish bilan qo`rqitib undan 200 AQSh dollari miqdorida pul talab qilganligini bildirib, noma`lum shaxsga nisbatan qonuniy chora ko`rishni so`ragan.
Kiberxavfsizlik xizmati xodimlari tomonidan olib borilgan tezkor-qidiruv tadbirlari natijasida, tovlamachilik yo`li bilan pullarni o`zlashtirmoqchi bo`lgan shaxs Andijon viloyati Marhamat tumanida yashovchi 2000 yilda tug`ilgan E.A. ekanligi aniqlangan.
Hozirda E.A.ga nisbatan JKning 165-modda 2-qismi bilan jinoyat ishi qo`zg`atilib, tergov harakatlari olib borilmoqda.
