Qozog`iston gaz ittifoqini yaratish masalasini muhokama qilmadi, deb xabar qildi mamlakat energetika vazirligiga tayanib Ria Novosti.
"Qozog`iston, Rossiya va O`zbekiston gaz tashish tizimlarining texnik imkoniyatlarini muhokama qilmoqda, biroq gaz ittifoqini yaratish haqida gap bo`lmadi", degan Qozog`iston energetika vaziri Bolat Akchulakov.
"Aslida gaz ittifoqi qurish masalasi muhokama qilinmadi. Barcha muhokamalar ikki tomonlama hamkorlik formatida bo`ldi, aytaylik, Qozog`iston Rossiya Federasiyasi, Qozog`iston va O`zbekiston bilan. Bu uch tomonlama formatda muhokama qilinmagan, biz tizimlarimizning texnik imkoniyatlari – gazni tashish va hokazolarni muhokama qildik”, dedi u hukumatning kengaytirilgan yig`ilishi chog`ida jurnalistlarga.
Vazirning qo`shimcha qilishicha, gaz sohasida hamkorlik masalalari uch tomonning ham muvofiqlashuvini talab qiladi. "Bu ish masalalari, shuning uchun qandaydir birlashma yaratish haqida mutlaqo gap bo`lmadi", deya qo`shimcha qildi u.
