Telegram kanallardan birida Farg`ona viloyati Buvayda tumani hokimining sobiq 1-o`rinbosari bo`lgan Dexqonov Mirzoxidjon bundan 2 yil avval 20 000 dollar pora bilan qo`lga tushib, ozodlikdan mahrum etilgani va endilikda qamoqdan chiqqach, Farg`ona viloyati hokimligida bo`lim boshlig`i bo`lib ish boshlagani xabar qilindi.
Xabarga Farg`ona viloyati hokimligi munosabat bildirdi.
"2 yil avval ozodlikdan mahrum qilingan Buvayda tumani hokimining sobiq birinchi o`rinbosari Farg`ona viloyati hokimligida bo`lim boshlig`i bo`lib ish boshlagani haqida tarqatilgan xabar to`la asossiz ekani ma`lum qilinadi.
Viloyat hokimligi apparati xodimlari tarkibida fuqaro M.Dexqonov faoliyat yuritmasligi bildiriladi", - deyilada raddiya xabarida.
