Samarqandda inson o`limi bilan bog`liq ayanchli YTH sodir bo`ldi. Bu haqda viloyat IIB matbuot xizmati xabar qilmoqda.
Ma`lum qilinishicha, 24 yanvar kuni soat 07:30 atrofida Samarqand shahar Bedil ko`chasida harakatlanib kelayotgan yo`lovchi avtobusi piyodani urib yubordi. Avtobus o`zi yo`nalishida kelayotgan paytda piyoda yo`lning belgilanmangan joyidan kesib o`tayotgan bo`lgan. YTH oqibatida 64 yoshli ayol olgan tan jarohati sabab voqea joyida halok bo`lgan.
"Ertalab ishni boshlashga ketayotgandim. Yugurib o`tib kelib qoldi, ko`rdim, tormoz bosdim, mashina sekin edi, lekin foydasi bo`lmadi. Fuqaroga birinchi yordam ko`rsatish bahonasida qaraganimda yurak urishi to`xtagandi. Tez yordam chaqirdim, ular ham joni uzilganini aytdi", — deydi haydovchi.
Holat bo`yicha surishtiruv ishlari olib borilmoqda.
