Istanbulda o`zbekistonlik erkak rashk sabab ayolni pichoqlab o`ldirdi (video)

Istanbulning Esenyurt tumanidagi turar joy kiraverishida o`zbekistonlik ayol rashk tufayli sevgilisi tomonidan avval kaltaklandi, keyin esa pichoqlandi. Og`ir tan jarohatlari bilan shifoxonaga etkazilgan ayol vafot etdi.

Ma`lum qilinishicha, bo`lgan voqea xavfsizlik kamerasiga yozib olingan. Voqea hashamatli uyning kiraverishida sodir bo`lgan. Olingan ma`lumotlarga ko`ra, O`zbekiston fuqarosi S.R. o`zining sevgilisi O`zbekiston fuqarosi D.R.ni rashk sababli kaltaklay boshlagan. Shundan so`ng erkak cho`ntagidan olib chiqqan pichoq bilan ayolga bir necha marta pichoq urgan. Fuqarolar ayolni erkakning qo`lidan qutqarib qolgan.

Voqea joyiga qisqa vaqt ichida etib kelgan tibbiy guruhlar, voqea joyida qilingan birinchi yordamdan so`ng D.Rni kasalxonaga olib borishgan, ammo barcha choralarga qaramay ayolni qutqarib qolishning iloji bo`lmagan. Hujum qilgan shaxs polisiya tomonidan hibsga olingan.