Истанбулнинг Эсенюрт туманидаги турар жой кираверишида ўзбекистонлик аёл рашк туфайли севгилиси томонидан аввал калтакланди, кейин эса пичоқланди. Оғир тан жароҳатлари билан шифохонага етказилган аёл вафот этди.
Маълум қилинишича, бўлган воқеа хавфсизлик камерасига ёзиб олинган. Воқеа ҳашаматли уйнинг кираверишида содир бўлган. Олинган маълумотларга кўра, Ўзбекистон фуқароси С.Р. ўзининг севгилиси Ўзбекистон фуқароси Д.Р.ни рашк сабабли калтаклай бошлаган. Шундан сўнг эркак чўнтагидан олиб чиққан пичоқ билан аёлга бир неча марта пичоқ урган. Фуқаролар аёлни эркакнинг қўлидан қутқариб қолган.
Воқеа жойига қисқа вақт ичида етиб келган тиббий гуруҳлар, воқеа жойида қилинган биринчи ёрдамдан сўнг Д.Рни касалхонага олиб боришган, аммо барча чораларга қарамай аёлни қутқариб қолишнинг иложи бўлмаган. Ҳужум қилган шахс полиция томонидан ҳибсга олинган.
