Pastdarg`om tumanida 31 yoshli ayol 33 yoshli erkakdan tovlamachilik yo`li bilan pul talab qildi. Bu haqda Samarqand viloyati IIB matbuot xizmati xabar bermoqda.
Ma`lum qilinishicha, erkak 2022 yil fevral oyida ayolning xonadoniga dori olib borganida tanishib qolgan va u bilan yaqin aloqada bo`lib kelgan. 2022 yil avgust oyida ularning oralariga sovuqchilik tushadi. Natijada aloqalar uzilib, uchrashuvlar to`xtagan. 2022 yil dekabr oyiga kelib ayol erkakka tez-tez qo`ng`iroq qilib, u bilan aloqada bo`lgan davrlaridagi video va suratlari borligini aytib, ushbu videolarni, shuningdek oralarida bo`lgan yozishmalarni erkakning xotiniga ko`rsatish bilan qo`rqitgan. Joriy yil mart oyida esa aytilgan pullarni bermasa, barchasini uning rafiqasiga ko`rsatish va oilasini buzib yuborish bilan tahdid qilib, 15 ming AQSh dollari pul talab qilgan.
Mazkur holat yuzasidan 2023 yil 11 aprel kuni Samarqand viloyati IIB tezkor guruhi tomonidan arizachidan 6 ming AQSh dollari olayotgan ayol qo`lga olindi. Holat yuzasidan jinoyat ishi qo`zg`atilib, hozirda tergov harakatlari olib borilmoqda.
