“O`zbekiston bo`ylab sayohat qil!” dasturi doirasida “turizm uchun keshbek” platformasi ish boshladi. Endilikda mahalliy sayyohlar respublika bo`ylab sayohat qilish uchun sarflangan xarajatlarning 15-50 foizini qaytarib olishlari mumkin.
Platforma foydalanuvchilari uchun qulaylik yaratish maqsadida keshbek qaytarish tizimi yaxshi yo`lga qo`yilgan “Soliq” mobil ilovasi (Android/iOS) qo`llanildi.
Sarflangan mablag`larni hisobga olish uchun foydalanuvchi:
- transport xizmatlaridan foydalanganlik;
- joylashtirish vositalari xizmatlaridan foydalanganlik;
- madaniyat tashkilotlariga tashrif buyurganlik uchun berilgan cheklarni (QR-kodini) skanerlashi kerak.
Barcha cheklar skanerlangandan so`ng, to`plangan keshbek summasi avtomatik tarzda hisobga olinadi va belgilangan muddatda ishtirokchining shaxsiy bank kartasiga o`tkaziladi.
