“Ўзбекистон бўйлаб саёҳат қил!” дастури доирасида “туризм учун кешбэк” платформаси иш бошлади. Эндиликда маҳаллий сайёҳлар республика бўйлаб саёҳат қилиш учун сарфланган харажатларнинг 15-50 фоизини қайтариб олишлари мумкин.
Платформа фойдаланувчилари учун қулайлик яратиш мақсадида кешбек қайтариш тизими яхши йўлга қўйилган “Солиқ” мобил иловаси (Android/iOS) қўлланилди.
Сарфланган маблағларни ҳисобга олиш учун фойдаланувчи:
- транспорт хизматларидан фойдаланганлик;
- жойлаштириш воситалари хизматларидан фойдаланганлик;
- маданият ташкилотларига ташриф буюрганлик учун берилган чекларни (ҚР-кодини) сканерлаши керак.
Барча чеклар сканерлангандан сўнг, тўпланган кешбек суммаси автоматик тарзда ҳисобга олинади ва белгиланган муддатда иштирокчининг шахсий банк картасига ўтказилади.
