Taniqli teatr va kino aktyori, O`zbekiston xalq artisti Tolib Karimov 83 yoshda vafot etdi.
Tolib Karimov 1940 yilda Toshkentda tug`ilgan. 1961 yilda A.N.Ostrovskiy nomidagi Toshkent teatr va rassomlik san`ati institutining aktyorlik fakultetini tugatgach, 1961-63 yillarda institut yo`llanmasi bilan Ko`qondagi Hamza nomli teatrda aktyor sifatida ijodiy faoliyatini boshlagan.
Tolib Karimovga 1987 yilda O`zbekiston xalq artisti faxriy unvoni berilgan
Aktyor ijro qilgan dramatizmga boy Obidov («Girdob» videofilmi), Qalandar Qarnoqiy («Ulug`bek xazinasi» videofilmi), Qosimbek («Yulduzli tunlar» videofilmi) rollari muxlislari xotirasida qolgan.
