Maktabni a`lo baholarda o`qidim va turli olimpiadalarda ham g`olib bo`lganman. 9-sinfni tugatib, harbiy liseyga hujjat topshirdim, ammo kam ball to`plabman. Hujjatlarimni esa Qishloq xo`jalik liseyiga yuborishibdi. Hozir ikkinchi kursda o`qiyman. Ammo men huquq yo`nalishiga qiziqaman va kelajakda ham shu soha mutaxassisi bo`lish niyatidaman. Shuning uchun o`qishimni Huquq kollejiga ko`chirmoqchi edim. Buning uchun qaerga murojaat qilishim kerak va qanday tartibda amalga oshiriladi?
Shahzodbek Habibullaev, Samarqand viloyati Paxtachi tumani
X.Zikrillaev, Oliy va o`rta maxsus ta`lim vazirligi O`rta maxsus kasb-hunar ta`limi markazi direktorining birinchi o`rinbosari:
— O`zbekiston Respublikasi o`rta maxsus, kasb-hunar ta`limi muassasalari o`quvchilarining o`qishini bir ta`lim muassasasidan boshqasiga ko`chirish Vazirlar Mahkamasining Qarori bilan tasdiqlangan "O`zbekiston Respublikasi o`rta maxsus, kasb-hunar ta`limi muassasalari o`quvchilari o`qishini ko`chirish, qayta tiklash va o`qishdan chetlashtirish tartibi to`g`risida"gi Nizom asosida amalga oshiriladi.
Mazkur Nizomning 9-bandiga ko`ra o`quvchilarni ko`chirish va qayta tiklash to`g`risidagi barcha arizalar bevosita o`quvchilar o`qiyotgan akademik lisey yoki kasb-hunar kollejida qabul qilinishi hamda ariza va uning ilovalari tegishli o`rta maxsus, kasb-hunar ta`limi muassasasi tomonidan hududiy boshqarmaga, hududiy boshqarma tomonidan esa 1 avgustga qadar Oliy va o`rta maxsus ta`limi vazirligining O`rta maxsus, kasb-hunar ta`limi markaziga yuborilishi kerak.
Nizomning 10-bandiga asosan o`quvchilarning o`qishini ko`chirish yoki qayta tiklashda o`quv rejalari va dasturlarga fanlar bo`yicha farqlarni yoki qarzlarni topshirish tartibi va muddatlari hamda o`quvchilarni o`qitish kursi o`rta maxsus, kasb-hunar ta`limi muassasasi direktori tomonidan belgilanishi lozim.
Shuningdek, o`quvchilar o`qishini bir o`rta maxsus, kasb-hunar ta`limi muassasasidan boshqasiga ko`chirishda o`rta maxsus, kasb-hunar ta`limi hududiy boshqarmasiga asosan quyidagi hujjatlar taqdim etiladi:
• o`quvchining yozma arizasi, o`quvchi voyaga etmagan bo`lsa uning ota-onasidan birining yoki ularning o`rnini bosuvchi shaxslarning arizasi;
• ta`lim muassasasining nomi, mutaxassislik, kurs, gurux, ko`rsatilgan holda ta`lim muassasasining gerbli muhri bilan tasdiqlangan reyting daftarcha nusxasi;
• o`quvchi pasporti nusxasi, voyaga etmagani sababli pasporti bo`lmaganda tug`ilganlik to`g`risidagi guvohnoma hamda ota-onasi yoki ularning o`rnini bosuvchi shaxslarning doimiy yashash joyi ko`rsatilgan pasporti nusxasi.
O`rta maxsus, kasb-hunar ta`limi markazi tomonidan ruxsat beriladigan o`qishni ko`chirishga oid arizalar Markazda tashkil etiladigan Ishchi guruh tomonidan ko`rib chiqiladi.
22.01.2022, 11:21
2022 yildan boshlab har yili «Mirzo Ulug`bek vorislari» respublika tanlovi o`tkaziladi.Tanlovni o`tkazishda:I bosqich fevral-mart oylarida tuman (shahar)larda o`tkaziladi va unda eng yuqori natijaga erishgan har...25.12.2021, 21:07
Talaba va o`quvchilarga qo`shimcha imkoniyat va qulaylik yaratish maqsadida, xususan, talabalarni doimiy yashash joylariga borish va qaytishi uchun ichki temiryo`l va aviaqatnovlarga chiptalarni maxsus 50...16.12.2021, 08:37
Avvalroq talabalar kontrakt pulini to`lash muddati uzaytirilgani haqida ma`lum qilgan edik. Unga ko`ra, to`lov-kontrakt mablag`larini to`lash 2021 yilning 31 dekabriga qadar mumkin etib qo`yildi.Shuningdek, Oliy...27.09.2021, 11:07
Talabalarga ijara to`lovining bir qismini qoplab berish tartibi belgilandi.Hukumat Qarori bilan Davlat oliy ta`lim muassasalarining ijara huquqi asosida yashayotgan talabalariga oylik ijara to`lovining bir qismini...