Ijtimoiy tarmoqlarda metro vagonlaridan birining eshigi ochilmadi mazmunidagi xabarlar tarqaldi. Holat yuzasidan Toshkent metropoliteni matbuot xizmati izoh berdi.
Ma`lum qilinishicha, 24 may soat 17:50 larda “Abdulla Qodiriy” bekatiga kirib kelgan 63-sonli harakat tarkibining vagon eshiklaridan biri ochilmagan. Shundan so`ng harakat tarkibi “Bodomzor” bekatiga etib kelganida mashinist tomonidan tekshirilganda, vagon eshigining ariqchasiga uning ochilishiga to`sqinlik qiluvchi kichik buyum tiqilib qolgani aniqlangan.
Ushbu buyum eshik yo`lagidan olib tashlangan va yuzaga kelgan nosozlik bartaraf etilgan.
“Hozirgi vaqtda ushbu harakat tarkibi soz holatda harakatlanmoqda”, – deyiladi xabarda.