Qo‘l jangi federatsiyasining navbatdan tashqari Konferensiyasida Sport vaziri o‘rinbosari Avazjon Karimov, sohaviy rahbarlar, murabbiylar va sportchilar ishtirok etdi. Bu haqda Milliy gvardiya Matbuot xizmati xabar berdi.
O‘zbekiston huquqni muhofaza qilish organlarining Qo‘l jangi federatsiyasining navbatdan tashqari Konferensiyasi bo‘lib o‘tdi. Unda Milliy gvardiya qo‘mondoni general-polkovnik Bahodir Tashmatov, Sport vaziri o‘rinbosari Avazjon Karimov, sohaviy rahbarlar, murabbiylar va sportchilar ishtirok etdi.
Tadbirda federatsiya faoliyatini takomillashtirish, qo‘l jangi sport turini huquqni muhofaza qilish organlari tizimida yanada rivojlantirish hamda federatsiya rahbariyatini saylash masalalari ko‘rib chiqildi. Delegatlar tomonidan Milliy gvardiya qo‘mondoni general-polkovnik Bahodir Tashmatov O‘zbekiston huquqni muhofaza qilish organlarining Qo‘l jangi federatsiyasi raisi etib bir ovozdan saylandi.
