Oʻzbekistonda turizm sohasida xizmat koʻrsatayotgan turoperatorlar, turagentlar va boshqa tadbirkorlik subyektlari soni 3,4 mingtadan oshdi.
Yil davomida ularning soni 24 foizdan ziyodga koʻpaygan. Milliy statistika qoʻmitasi maʼlumotlariga koʻra, 2026 yil 1 iyul holatiga koʻra, Oʻzbekistonda faoliyat yuritayotgan turoperatorlar, turagentlar va turizm sohasida xizmat koʻrsatuvchi boshqa tadbirkorlik subyektlari soni 3 455 tani tashkil etgan.
Bu koʻrsatkich 2025 yilning mos davri bilan solishtirganda 676 taga yoki 24,3 foizga oshgan.
Turizm sohasida faoliyat yuritayotgan subyektlar soni soʻnggi yillarda quyidagicha oʻsgan:
— 2022 yil — 1 918 ta;
— 2023 yil — 2 071 ta;
— 2024 yil — 2 585 ta;
— 2025 yil — 2 779 ta;
— 2026 yil — 3 455 ta.
Shunday qilib, soʻnggi toʻrt yilda mamlakatda turizm sohasida xizmat koʻrsatuvchi tadbirkorlik subyektlari soni qariyb 1,8 baravarga koʻpaygan.
