Bugungi kunda 51 ta idora moliyaviy jarima qo‘llash vakolatiga ega. Jarimaning bir qismi bevosita shu idoraga tushishi ayrim rahbarlarda "tekshirsa — qo‘rqadi, qo‘rqsa — to‘laydi" degan noto‘g‘ri yondashuv saqlanib qolishiga sabab bo‘layotgani tanqid qilindi.
Shu bois tadbirkorlarga qo‘llanadigan barcha turdagi jarimalar miqdori o‘rtacha ikki barobarga kamaytiriladi.
Bu javobgarlik bekor qilinishini anglatmaydi. Asosiy maqsad — jarimani mablag‘ yig‘ish vositasiga aylantirmaslik, nazoratni tartib-intizom va profilaktikaga yo‘naltirish.
Yangi yondashuv tadbirkorlarga tushadigan moliyaviy bosimni kamaytirish va nazorat tizimida adolatli mezonlarni kuchaytirishga xizmat qiladi.
Agar asossiz jarima qo‘llangan yoki tadbirkorlik huquqlaringiz buzilgan, deb hisoblasangiz, Biznes-ombudsmanga murojaat qilishingiz mumkin.
