Joriy yilning 16 mart kuni mamlakatimiz Prezidentining “Shoshilinch tibbiy yordamni yanada takomillashtirish chora-tadbirlari to`g`risida”gi Farmoni imzolandi.
Hujjatda sohani rivojlantirishga doir ko`plab vazifalar qatorida kechiktirib bo`lmaydigan vaziyatlarda bemorlar hayotini saqlab qolish maqsadida shoshilinch tibbiy yordam xizmati muassasalarining moddiy-texnika bazasini mustahkamlash, tizimning transport parkini boyitish uchun davlat byudjeti va boshqa mablag`lar hisobidan 2017 yilning o`zida 1200 ta tez tibbiy yordamga ixtisoslashtirilgan avtotransport vositalari xarid qilinishi ham belgilangan edi, Sog`liqni saqlash vazirligi Axborot xizmati.
Ayni kunlarda zarur vositalar bilan jihozlangan 50 dona “DAMAS AMB” rusumidagi tez tibbiy yordam avtomobilari xarid qilinib, ehtiyoj baland bo`lgan hududlarga berildi.
Bu esa tez tibbiy yordam xizmatining yanada tezkor va sifatli ishlashida muhim omil bo`lib xizmat qiladi.
