Hindistonda avtobus ichidagi 22 nafar yo`lovchi tiriklay yonib ketdi, deb xabar berdi Vesti.ru nashri.
Fojia Bareli shahri yaqinida, kechasi ro`y berdi. Dastlabki ma`lumotlarga ko`ra, avtobus qarama-qarshi yo`lga chiqib ketib, yuk mashinasi bilan to`qnashdi. Oqibatda avtobusning yonilg`i solingan baki portlab ketdi.
Olov bir daqiqa ichida avtobus salonini egallab, salonda uxlab yotgan yo`lovchilarning qochib qutulishiga imkon qoldirmadi.
Voqea joyiga etib kelgan o`t o`chiruvchilar yong`inni tezda o`chira olmadi. Ayni paytda YTH sabablari o`rganilmoqda.
