O`zbekiston Respublikasi Ekologiya va atrof-muhitni muhofaza qilish davlat qo`mitasi delegasiyasi a`zolari Koreya Respublikasiga tashrif doirasida “Sejin G&E Co. Ltd” kompaniyasi vakillari bilan Ansan shahridagi chiqindilarni qayta ishlovchi “Ansan Recycling Center” korxonasida ham bo`ldi. Ushbu korxona qattiq maishiy chiqindilarni saralash bilan shug`ullanib, Ansan shahri aholisiga xizmat ko`rsatadi. Qattiq maishiy chiqindilarni saralash va qayta ishlashning yillik hajmi 15 ming tonnani tashkil etadi.
Bugungi kunda korxona qattiq maishiy chiqindilarning 80 foizgacha bo`lgan foydali komponentlarini saralash imkonini beruvchi zamonaviy texnologiyalar bilan ta`minlangan.
Uchrashuv davomida tomonlar kelgusidagi hamkorlik bo`yicha o`zaro fikr almashdilar. Kompaniya rahbariyati O`zbekiston Respublikasida chiqindilarni kompleks boshqarish sohasida olib borilayotgan islohotlarni yuqori baholab, hamkorlikka qiziqish bildirdi.
