Samarqand viloyati Urgut tumanida 16 gektar maydonni egallagan mazkur suv ombori Kamongaron soyi, buloq va sel suvlaridan to`planib, 1,5 million kub metrgacha obi hayotni tashkil etadi.
Inshootda to`palanayotgan suv miqdori va tarkibini aniqlash, uni taqsimlash uchun zamonaviy uskunalar o`rnatilgan. Ushbu suv ombori tumandagi 100 gektarga yaqin erni suv bilan ta`minlash, meliorativ holatini yaxshilashga xizmat qiladi. Kamongaron va Vag`ashti qishloqlari aholisi va fermer xo`jaliklarining suvga bo`lgan ehtiyojini to`la qondiradi.
Tuman qishloq xo`jaligida suvdan samarali foydalanish hamda suv ta`minotini yaxshilash maqsadida amalga oshirilgan mazkur loyiha uchun 17 milliard 884 million so`mdan ziyod mablag` sarflandi, deb yozadi O`zA.
