Viloyat hokimi takroriy ekin maydonlarida mehnat qilayotgan yoshlardan xabar olmoqda, deya xabar qildi Farg`ona viloyati hokimligi Axborot xizmati.
Farg`ona viloyatida kambag`al oilalar sonini kamaytirish, ularning doimiy daromad manbaiga ega bo`lishiga ko`maklashish bo`yicha zarur choralar ko`rilmoqda. Xususan, joriy yilda qishloq xo`jaligi sohasidagi mavjud imkoniyatlar ishga solinib, 18 ming oila kambag`allikdan chiqariladi.
Er -rizq-ro`z manbai, u minglab oilalarni boqishi mumkin. Pandemiya ta`sirida ishsiz qolgan aholini ijtimoiy himoya qilish maqsadida o`tgan davrda tumanlarda qishloq xo`jaligi mahsulotlari ekish uchun er maydonlari ajratib berildi. Anorchilik, uzumchilik, malinachilik kabi kooperasiyalar tashkil etilib, minglab yoshlarning bandligini ta`minlashga erishildi.
Ehtiyojmand oilalarga moddiy yordam berish bilangina ularni kambag`al qatlamdan chiqarish istiqbolli dastur emas. Xalqimizda qo`ldan berganga qush to`ymas degan, naql bor. Ularga daromad topish uchun manba yaratib berilsa, tadbirkorlik ishtiyoqi uyg`otilsa maqsadga tezroq etiladi. Ayni kunlarda fermer xo`jaliklarining g`alladan bo`shagan er maydonlari bir qismiga takroriy ekin ekish uchun yoshlarga berilayotgani katta imkoniyatdir. Bu maydonlar ekin ekish uchun tayyor holatga keltirilib, urug`liklar ham bepul tarqatilyapti.
Farg`ona tumanidagi Yambaroq qishlog`i hududidagi qarovsiz erlar o`zlashtirilib, kam ta`minlangan, “temir daftar”ga kiritilgan va ishsiz qolgan oilalarga ekin maydoni sifatida berilmoqda. Mart oyida 5,5 gektar er maydonida yoshlarning malinachilik kooperasiyasi tashkil qilindi. Ayni kunlarda ular malina bilan birga, yana g`alladan bo`shagan maydonda mosh, loviya parvarishini ham olib boryaptilar.
Farg`ona viloyati hokimi Shuhrat G`aniev mazkur kooperasiyada bo`lib, ish jarayoni bilan tanishdi.
-Bir sotix erdan 3-4 million so`mgacha daromad olish mumkin, -deydi viloyat rahbari. - Mazkur ajratilgan erlar uchun hech qanday soliq, ijara to`lovi yo`q. Asosiy maqsad shunday erlardan takroran foydalanib, yoshlarning bandligini ta`minlashdir. Har bir qarich er oltinga, suv esa zarga teng. Bu erda ishlayotgan yoshlarimizda mehnatsevarlik fazilatlari shakllanadi, ota-onasiga yordam berishni o`rganadi.
Chimyon qishlog`ining “Zilol” mahalla fuqarolar yig`inida yashovchi Bahodir Toshbekovlar oilasi “temir daftar”ga kiritilgan. Oila boshlig`i yollanma ishchi sifatida 7 nafar jonni boqyapti. Viloyat hokimi 200 bosh parrandani bu oilaga beg`araz yordam sifatida tuhfa qildi.
“Satkak” mahalla fuqarolar yig`inidagi “Tafakkur fayz gulshani” fermer xo`jaligining g`alladan bo`shagan er maydoni 102 nafar ehtiyojmand oilalarga ajratib berildi. Ayni kunlarda bu erda mosh parvarishlanmoqda. Viloyat hokimi bu erda ekin rivojini ko`zdan kechirib, dehqonchilik qilayotgan yoshlarga o`z tavsiyalarini berdi.
Qo`shtepa tumanida 2 ming 43 ta kambag`al oila ro`yxatga olingan. Ayni kunlarda 1 ming 234 ta xonadonlarga qishloq xo`jaligi mahsulotlari ekish uchun er berildi. Markaziy Farg`ona hududida esa 560 gektar oborotdan chiqqan erning o`zlashtirishi natijasida ko`plab oilalar daromadga ega bo`lishmoqda. Ayniqsa, yoshlarni ish bilan ta`minlashga alohida e`tibor qaratildi va 151 nafar yigit-qizlarga 0,5 gektardan er maydoni takroriy ekin ekish uchun biriktirildi.
Viloyat hokimi tumandagi “Sarmazor baxt zamini” fermer xo`jaligidagi takroriy ekin ekish uchun ajratilgan er maydonidagi ekinlar parvarishi bilan ham tanishdi. Bu erdagi mosh ekinining rivojini ko`zdan kechirib, sug`orishdan so`ng erga ishlov berilmagani sababli qatqaloq yuzaga kelganligini tilga oldi. Zudlik bilan kultivasiya qilish uchun texnika ajratib, zarur agrotexnik tadbirlarni amalga oshirishga ko`rsatma berdi.
Viloyat rahbari Sh. G`aniev shu erda dehqonchilikning hadisini olgan mirishkor Obidjon Umarqulov bilan suhbatlashdi.
- Ilgarilari takroriy ekin ekkan kishi jinoyatchi bo`lardi, -deydi viloyat rahbari. –Odamlar yashirincha dala uvatlariga qo`shimcha ekinlar ekardi. Bugun esa mana vaziyat umuman o`zgardi. G`alladan bo`shagan va foydalanishdan chiqqan erlar qayta o`zlashtirilib, kam daromadli, ehtiyojmand oilalarga bo`lib berilyapti. “Tomorqa xizmati” ekin bilan bog`liq ishlarni o`z zimmasiga olib, yaqindan yordam ko`rsatyapti.
-O`zim erta bahorda tomorqamizdagi bir sotix erga plyonka ostiga rediska ekaman, -deydi Shuhrat G`aniev yoshlarga shaxsiy hayoti va oilaviy tomorqa tajribalari haqida hikoya qilar ekan.- Uni sotib, shu erda bulg`ori etishtirdim. Hozir uchinchi ekin - qalampir bor. Bir yilda kamida to`rt marta hosil olamiz. Er katta daromad manbai ekanligini barchamiz his etishimiz kerak.
Farg`ona viloyatining barcha tumanlarida g`alladan bo`shagan maydonlarda etishtirilayotgan ekinlar nazoratdan o`tkazilyapti, zarur holatda agrotexnik yordam ko`rsatilmoqda. Ayni chog`da bo`sh qolgan erlar yoshlar va kam ta`minlangan oilalarga biriktirilishi davom etmoqda.
