O`zbekiston Respublikasi Prezidenti Shavkat Mirziyoev hududlarning ijtimoiy-iqtisodiy rivoji bilan tanishish, istiqboldagi vazifalarni belgilash maqsadida 14 oktyabr kuni Xorazm viloyatiga keldi. Bu haqda Prezidentning rasmiy sayti e`lon qildi.
Xorazm yirik sanoat korxonalari, transport va kommunikasiya tizimlari, kichik biznes salohiyati bilan mamlakatimiz taraqqiyotida muhim o`rin tutadi. “GM Uzbebekistan” aksiyadorlik jamiyatining Xorazm filiali, “UzXMG” ekskavator zavodi, “O`zteks Shovot”, “Xorazm maishiy texnika” korxonalari, “Xorazm shakar” qo`shma korxonasida ichki va tashqi bozorda xaridorgir mahsulotlar ishlab chiqarilmoqda. Murakkab iqlim sharoitiga qaramay viloyat dehqonlari qishloq xo`jaligida mo`l hosil etishtirmoqda.
Davlatimiz rahbari 2017 yil 27-28 yanvar kunlari Xorazmga tashrifi chog`ida viloyat iqtisodiyotini rivojlantirish, sanoat va qishloq xo`jaligini tarkibiy o`zgartirish, ijtimoiy ob`ektlar barpo etish va infratuzilmani yaxshilash, aholi turmush darajasini oshirish bo`yicha qator vazifalarni belgilab bergan edi.
Shunga muvofiq, o`tgan davrda hududda ko`plab yangi korxonalar, kichik biznes sub`ektlari, ko`p tarmoqli fermer xo`jaliklari tashkil etildi. Turizm, to`qimachilik, baliqchilik, parrandachilik, irrigasiya va boshqa sohalarda istiqbolli loyihalar amalga oshirildi. Uy-joylar, shifoxonalar, maktab va san`at dargohlari qurildi. Yana qator loyihalar bo`yicha ishlar davom ettirilmoqda.
Prezidentimizning Xorazm viloyatiga safari davomida avvalgi tashrifda belgilangan rejalar qanday amalga oshirilayotgani bilan tanishishi, hudud taraqqiyotini yangi bosqichga ko`tarish bo`yicha istiqboldagi dolzarb vazifalar belgilanishi rejalashtirilgan.
13.05.2024, 17:53
Prezident Shavkat Mirziyoev 13 may kuni ko`mir qazib chiqarishni oshirish rejalari taqdimoti bilan tanishdi. Bu haqda Prezident matbuot xizmati xabar berdi. Aholi va iqtisodiyotning o`sib borayotgan...08.05.2024, 17:04
O`zbekiston Respublikasi Prezidenti Shavkat Mirziyoev 8 may kuni amaliy tashrif bilan Moskva shahriga tashrif buyurdi. Bu haqda Prezident matbuot xizmati xabar berdi. “Vnukovo” xalqaro aeroportida davlatimiz...07.05.2024, 14:24
Mirziyoev Vengriya, Eron, Chexiya, O`mon va Jazoirning yangi tayinlangan elchilaridan ishonch yorliqlarini qabul qildi. Bu haqda Prezident matbuot xizmati xabar berdi. Prezidentimiz Chexiya Respublikasi O`zbekistonning Evropa...07.05.2024, 14:02
Amudaryo ustidan o`tuvchi qo`shma ko`prikda 7-9 may kunlari avtotransport vositalari harakati vaqtincha to`xtatiladi. Bu haqda «O`zbekiston temir yo`llari» aksiyadorlik jamiyati xabar berdi.Ma`lum qilinishicha, Qoraqalpog`istonning Amudaryo tumanida...