Paralimpiya o`yinlarining bugungi kun dasturida para-kanoechilarimizning ishtiroki o`z poyoniga etdi. Vakillarimizning barchasi yarim finaldan medallar uchun kurashni davom ettiradigan bo`lishdi.
200 metr masofaga o`tkazilayotgan bellashuvlarda jahon chempioni Shahnoza Mirzaeva saralashda o`z guruhida uchinchi bo`lib marraga etib keldi. Shuningdek, Haytmurod Sherqo`ziev to`rtinchi o`rin bilan yarim final bosqichiga o`tdi. Hamyurtlarimizning yarim finaldagi chiqishi ertaga belgilangan.
