Xabaringiz bor, 28 sentyabrdan 3 oktyabrga qadar O`zbekistonning bir qator shaharlarida “Buyuk ipak yo`li durdonasi” XIII Xalqaro Toshkent kinofestivali o`tkazilmoqda.
Kuni kecha Toshkent xalqaro aeroportida “Ipak yo`li durdonasi” XIII Toshkent xalqaro kinofestivalida ishtirok etish uchun bir guruh eronlik kinoijodkorlar tantanali kutib olindi.
“Tinchlik, ma`rifat va taraqqiyot uchun” shiori ostida o`tayotgan kinofestival doirasida 13 mamlakat vakillari ishtirokida “Jahon kinosi kunlari”ni ham o`tkazish ko`zda tutilgan. Ushbu tadbirda ham eronlk kinoijodkorlar faol ishtirok etishi kutilmoqda.
Bu yilgi Toshkent kinofestivaliga tashrif buyurgan eronliklar delegasiyasi tarkibidan A.Tobiish, Mirza Abulfazl Attar, Muxammad Mexdi Asg`arpur, Ibrohim Muxtoriy, Hamidrizo Qutbiy, Alirizo Shohruxiy, Hamid Tehroniy, Ali G`aviton kabi taniqli kino ijodkorlar o`rin olgan. Ular Toshkent, Jizzax, Samarqand shaharlarida o`z ijod namunalarini namoyish etadilar.
Kinofestivalning “Jahon kinosi kunlari” dasturidan o`rin olgan “Eron kinosi kunlari”ning ochilishi marosimi 29 sentyabr kuni O`zbekiston Yoshlar teatri binosida bo`lib o`tadi.
Eron ijodkorlarining eng mashhur rejissyorlaridan biri Ibrohim Muxtoriyning “Hayot varaqlari”(2017) filmi kinofestivalning “Jahon kinosi kunlari” dasturida Eron fil`mlar namoyishini boshlab beradi.
30 sentyabr kuni O`zbekiston Yoshlari teatri binosi Eron kin kunlari davom qilib bu kuni kino ixlosmandlari uchun rejissyor Maziyor Miriyning “Sara va Saida” (2017) hamda yana bir mashhur eron rejissyori Abulfazl Jalilining “Tungi poezd” filmlari namoyish bo`lib o`tadi.
30 sentyabr kuni misrlik mehmonlar Jizzax shahriga tashrif buyurishadi. Fil`m namoyishidan oldin kinoijodkorlar bilan ijodiy uchrashuv o`tkaziladi. Co`ngra Eronning mashhur fil`mlaridan biri “Suhrobning orzulari” badiiy fil`mi namoyish qilinadi. Fil`m rejissyori Ali G`aviton.
1 oktyabr kuni mehmonlar Samarqandga tashrif buyuradilar. Samarqanddagi “Yoshlar markazi”da eronlik kino ustalari bilan uchrashuv bo`lib o`tadi. Bu erda “Meros”(2020) ,“Onalik”(2017) hamda “Diapazon” badiiy fil`mlari kinotomashabinlarga taqdim qilinadi.
2 oktyabr kuni esa eronlik kinoijodkorlar Toshkent shahriga qaytib kelishadi. Mehmonlar “Jahon kinosi kunlari”ning yopilish marosimida ishtirok etishadi. Shuningdek, “Renaissance Hall” kinokonsert zalida o`tadigan XIII Xalqaro Toshkent kinofestivalining tantanali yorpilish marosimida ham eronlik mehmonlarham ishtirok etishlari kutilmoqda.
