Fransiya poytaxti Parij shahri bugundan 4 noyabrgacha Harbiylar o`rtasidagi Jahon chempionatiga mezbonlik qiladi. Bu haqda O`zbekiston dzyudo federasiyasi matbuot xizmati xabar berdi.
O`z tarixida yubiley 40-marotaba tashkil etilayotgan musobaqada O`zbekiston terma jamoasi ham ishtirok etyapti. Bugun jahon chempionatining birinchi kungi bellashuvlari terma jamoamiz uchun omadli keldi. Diyora Keldiyorova va Dilshodbek Baratov o`z vazn toifalarida oltin medalni qo`lga kiritishdi.
-52 kg vazn toifasida yurtimiz sharafini himoya qilgan kadetlar o`rtasida jahon chempioni Diyora Keldiyorova endi harbiylar o`rtasida ham jahon chempioniga aylandi. U to`g`ridan-to`g`ri yarim finaldan bahslarga qo`shildi. Bu bosqichda fransiyalik Cheenne Munierni, finalda esa yana bir mezbonlar vakilasi Julie Veyll Dit Moreyni mag`lubiyatga uchratdi.
Erkaklar o`rtasidagi musobaqaning -60 kg vazn toifasidagi bellashuvlarida tatamiga chiqqan Dilshodbek Baratov avstriyalik Daniel Leutgeb, eronlik Muhammad Hoseyn, finalda esa fransiyalik Jolan Florimontdan ustun keldi va shohsupaning eng yuqori pog`onasiga ko`tarildi.
Shuningdek, bugungi bellashuvlarda terma jamoamiz a`zolaridan Shavkat Saitkulov, Artyom Shturbabin (ikkisi ham -66 kg), Obidxon Nomonov (-73 kg) va Shukurjon Aminova (-57 kg) ham medallar uchun kurash olib borishdi. Ammo ulardan bu safar omad yuz o`girdi.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
20.01.2023, 11:24
Fransiyada mamlakatning yirik kasaba uyushmalari uyushmasi tomonidan pensiya yoshini 64 yoshga ko`tarishga qarshi ommaviy ish tashlash va norozilik namoyishlari boshlandi. Tashkilotchilar rejasiga ko`ra, mitinglar Fransiyaning...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
