Bir necha kundan so`ng, 9 may kuni Turkiyaning Istanbul shahrida boks bo`yicha ayollar o`rtasida jahon chempionati boshlanadi. Bugun musobaqada qatnashadigan O`zbekiston terma jamoasi a`zolari Turkiyaga yo`l oldi. Milliy Olimpiya qo`mitasi bu haqda xabar bermoqda.
Xalqaro boks assosiasiyasining ma`lum qilishicha, bu yilgi dunyo birinchiligida ayollar boksida rekord darajada 93 ta davlatdan 419 nafar bokschi ro`yxatdan o`tgan. Unda yosh toifasi ham chegaralangan bo`lib, 1981-2002 yillarda tug`ilgan xotin-qizlar g`oliblik uchun ringga ko`tarilishadi.
O`zbekiston terma jamoasi ushbu jahon chempionatida quyidagi tarkibda ishtirok etadi:
-48 kg: Marjona Savrieva;
-50 kg: Aziza Yoqubova;
-52 kg: Tursunoy Rahimova;
-54 kg: Nozima Bulturova;
-57 kg: Setora Turdibekova;
-60 kg: Mohinabonu Abdullaeva;
-66 kg: Navbahor Hamidova;
-70 kg: Xadichabonu Abdullaeva;
-75 kg: Mavluda Mavlonova;
+81 kg: Mohira Abdullaeva.
Bosh murabbiy: Elshod Rasulov.
Murabbiylar: Ziyaviddin Tayganbaev, To`lqin Turg`unov, Islom Tojiboev, Sharif Narzikulov, Sahida Yoqubova.
