Bugun, 11 avgust kuni soat 02:45 da Toshkent xalqaro aeroportida Hindistonning Chennay shahrida bo`lib o`tgan 4-Butunjahon shaxmat olimpiadasi g`oliblarini tantanali kutib olish marosimi bo`lib o`tdi.
"darakchi.uz" millatning "oltin fondi" - chempion shaxmatchilarning tantanali kutib olish jarayonidan eksklyuziv reportaj tayyorladi.
Tadbirda Bosh vazir Abdulla Aripov, vazirlar Ozodbek Nazarbekov, Adham Ikromov, Toshkent shahar hokimi Jahongir Ortiqxo`jaev va Osiyo Olimpiya Kengashi vise-prezidenti Otabek Umarov, sportchilar va madaniyat-san`at sohasi vakillari, chempionlarning ota-onalari, jamoatchilik vakillari ishtirok etdi.
Bosh vazir Abdulla Aripov O`zbekiston Respublikasi Prezidenti Shavkat Mirziyoevning chempionlarga yo`llagan tabrigini o`qib eshittirdi.
Prezident farmoni bilan, musobaqa g`oliblari, O`zbekiston erkaklar terma jamoasi a`zolariga “O`zbekiston iftixori” faxriy unvoni berildi. Ular:
- Abdusattorov Nodirbek Fazliddin o`g`li;
- Vohidov Jahongir Toirovich;
- Vohidov Shamsiddin Po`lat o`g`li;
- Sindorov Javohir Sanjarbekovich;
- Yaqubboev Nodirbek Murodbek o`g`li.
Terma jamoa murabbiylari Egin Vladimir Nikolaevich va Ivan Sokolov “O`zbekiston Respublikasida xizmat ko`rsatgan sport ustozi” faxriy unvoni bilan taqdirlandi.
Musobaqada 162 jamoa orasida 31-o`rinni egallagan O`zbekiston ayollar terma jamoasi a`zolari esa “Kelajak bunyodkori” medali bilan mukofotlandi:
- Bobomurodova Maftuna Panjievna;
- Malikova Marjona Abdimajid qizi;
- Omonova Umida Shuhrat qizi;
- Hamdamova Afruza Akbarovna;
- Yoqubboeva Nilufar Murodbek qizi.
Qolaversa, chempion shaxmatchilarimizning har biriga bittadan "Equinox" avtomobili sovg`a qilindi.
Shuningdek, ularning sportchilarga 600 mln so`m, murabbiylarga esa 300 mln so`mdan bir martalik pul mukofoti berildi.
Shundan so`ng, "kun qahramonlari"ni so`zga tordik.
"Bizni qo`llab-quvvatlab turgan prezidentimiz va xalqimizga jamoa nomidan minnatdorchilik bildiraman. Ishonchingizni har o`yinda his qilib turdik. Jamoamiz 180dan ortiq davlat ichida biror marta yutqazmay, hech qaysi davlatdan kam emasligini isbotlab qo`ydi. Bu — ilk g`alaba", –dedi Hindiston-2 ga qarshi bahsda kambek amalga oshirib, chempionlikka katta hissa qo`shgan Nodirbek Abdusattorov.
Turnir davomida biror marta mag`lubiyatga uchramagan Nodirbek Yakubboev chempionatdagi eng qiyin o`yin haqida gapirdi:
"Bunchalik taqdirlashlarini kutmagandik. Kayfiyatimiz a`lo. Eng qiyin o`yin? Hindiston-2 bilan bahsni aytgan bo`lardim. Ular ham bizdek yosh jamoa edi. Ustiga-ustak mezbon bo`lishgani sabab bosim o`tkazishdi".
Eslatib o`tamiz, O`zbekiston erkaklar terma jamoasi hal qiluvchi turda Niderlandiyaga qarshi bahs olib borib, 2,5:1,5 hisobida g`alaba qozongan edi. Mazkur g`alaba orqali O`zbekiston erkaklar terma jamoasi oltin medal masalasini hal qilgan va o`z tarixida ilk bor Olimpiada chempioniga aylangandi.
Shaxmat bo`yicha O`zbekiston ayollar terma jamoasi esa so`nggi turda Kosta-Rika ustidan g`alaba qozonib (2,5:1,5), olimpiadani 162 jamoa orasida 31-o`rinda yakunlagandi.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...